తన విలక్షణమైన నటనతో తెలుగు ప్రేక్షకుల మదిలో చోటు సంపాదించుకున్న నటి అనుష్క. అలాంటి అనుష్కకు నెక్స్ట్ మూవీకి అక్కడా కూడా బాగానే బిజినెస్ నడుస్తుందండోయ్. టాలీవుడ్ లోనే కాదు ఇండియాలోనే తొలి హిస్టారికల్ స్టీరియోగ్రాఫిక్ మూవీ తెరకెక్కుతోన్న చిత్రం ‘రుద్రమదేవి’. దాదాపు పదేళ్ల నుంచి తెరకెక్కుతున్న ఈ చిత్రం దర్శకుడు గుణశేఖర్ కి కెరీర్ కి చాలా కీలకం. అనుష్క ఈ చిత్రంలో కాకతీయవీరనారి 'రుద్రమదేవి'గా తన ప్రతాపం చూపనుంది. భారీ బడ్జెట్ తో , హై టెక్నికల్ వాల్యూస్ తో ఈ సినిమా రూపొందుతోంది. అనుష్క టైటిల్ రోల్ పోషిస్తున్న ఈ చిత్రంలో గణపతి దేవుడిగా రెబల్ స్టార్ కృష్ణంరాజు కనిపించనుండగా, చాళుక్య వీరభద్రుడిగా రానా, గోనగన్నారెడ్డిగా స్టయిలిష్ స్టార్ అల్లుఅర్జున్ కనువిందు చేయనున్నారు. ప్రారంభమైన రోజు నుండి ఎప్పుడెప్పుడు సినిమా చూస్తామా అని ప్రేక్షకులు ఎదురు చూస్తున్న ఈ సినిమా త్రీడీ ట్రైలర్ ఫిబ్రవరి 28న విడుదలైంది. ట్రైలర్ కి మంచి రెస్పాన్స్ వచ్చింది. సినిమాని కూడా మార్చి ఎండింగ్(27న)న విడుదల చేయడానికి చిత్రయూనిట్ సన్నాహాలు చేస్తుంది. తెలుగుతో పాటు తమిళంలో కూడా ఈ సినిమాకి మంచి క్రేజ్ ఏర్పడింది. దానికి కారణం అనుష్కయే. ఇంతకు ముందు అనుష్క నటించిన అరుంధతి కూడా తమిళంలో సెన్సెషన్ క్రియేట్ చేసింది. దీంతో ఇప్పుడు అనుష్క కున్న క్రేజ్ ను ద్రుష్టిలో పెట్టుకున్న అక్కడా మంచి బిజినెస్ జరుగుతుందట. తమిళంలో తెన్నండాల్ ఫిలిమ్స్ వారు ఈ సినిమా తమిళ రైట్స్ దాదాపు పదికోట్ల రూపాయలను చెల్లించి చేజిక్కించుకున్నారట. ఇక విడుదలకు ముందే సెన్సేషన్స్ క్రియేట్ చేస్తున్న ఈ చిత్రం విడుదల తర్వాత ఎన్ని రికార్డులను క్రియేట్ చేస్తుందో వేచిచూడాలి...
.jpg)
