ఏం సుడి ఉందండీ బాబు సుమకి.... టాలెంట్ ఉన్నా అదృష్టం కూడా కలిసి రావాలి కదా... ఆమెకు టాలెంట్ ప్లస్ అదృష్టం రెండూ కలిసున్నాయి. బాహుబలి ఆడియో యాంకరింగ్ కోసం ముందుగా యువ హీరో నానీని సెలక్ట్ చేశారు. కానీ చివరికి ఈ ఛాన్సు కూడా సుమ కొట్టేసింది. దర్శకుడు రాజమౌళి ప్రతిష్టాత్మకంగా రూపొందించిన 'బాహుబలి' ఆడియో విడుదల కార్యక్రమానికి యాంకరింగ్ చేసే అవకాశం హీరో నానీకి దక్కిందనుకుంటే,... ప్రమాదవశాత్తు షూటింగ్ లో నాని గాయపడినట్లు సమాచారం. దాంతో నానీ యాంకరింగ్ చేసేందుకు వీలులేకపోవటంతో అతని స్థానంలో సుమ వచ్చినట్లు తెలుస్తోంది. ఈ విషయాన్ని దర్శకుడు రాజమౌళి ట్విట్ చేశాడు. కాగా ఈ ఆడియో కార్యక్రమానికి వచ్చే అభిమానులు కుటుంబ సభ్యుల అంగీకారంతోనే రావాలని ఆయన కోరారు. ఇక పవిత్ర పుణ్యక్షేత్రం తిరుపతిలో బాహుబలి ఆడియో విడుదల వేడుకలకు ఎస్వీయూ స్టేడియం సిద్ధమైంది. శనివారం సాయంత్రం 6 గంటలకు ఈ కార్యక్రమం జరగనున్నది. ఈ కార్యక్రమానికి సుమారు వెయ్యి మంది సినిమా పరిశ్రమకు చెందిన ప్రముఖులు, టెక్నీషియన్లు, సిబ్బంది హాజరుకానున్నారు. వీరంతా శనివారం ఉదయమే తిరుపతికి చేరుకున్నారు.
.jpg)
