విడుదలకు ముందే ఎన్నో సెన్సేషన్ క్రియేట్ చేస్తున్న బాహుబలి సినిమా ఆడియో మే 31న జరగాల్సి ఉండగా భద్రతా కారణాల దృష్ట్యా పోలీసులు అనుమతి ఇవ్వకపోవడంతో ఆడియో వేడుకను తిరుపతికి మార్చారు. ఈ క్రమంలోనే అక్కడ ఎస్వీ యూనివర్శిటీ గ్రౌండ్స్‌లో ఈ వేడుక ఏర్పాట్లను ఘనంగా నిర్వహించారు. ఈ ఆడియో వేడుక బాహుబలి టీం ఎంతో ప్రతిష్టాత్మకంగా తీసుకుంది. ఈ వేడుక కూడా హైలైట్ గా నిలిచిపోతుందని సినీ విశ్లేషకుల అభిప్రాయం! ఇదిలావుండగా.. బాహుబలి ఆడియో వేడుక ఏర్పాట్ల గురించి రాజమౌళి తన ట్విట్టర్ ద్వారా వెల్లడిస్తూ... ఓ హెచ్చరిక కూడా జారీ చేశాడు. బాహుబలి ఆడియో వేడుకకు సంబంధించిన ఏర్పాట్లు పోలీస్ డిపార్టుమెంట్, బాహుబలి టీం సంయుక్తంగా నిర్వహిస్తున్నట్టు తెలిపారు. ఈ వేడుకకు చిన్న పిల్లలను, పెద్దవారిని తీసుకురావొద్దని రాజమౌళి అభిమానులకు విన్నవించారు. అలాగే.. ఈ వేడుకకు సంబంధించిన పాసులు తాము అమ్మడం లేదని ఎవరైనా అమ్మితే.. వాటిని కొనద్దని ఆయన సూచించారు. అలా కొంటే.. కొన్నవాళ్లు మోసపోయినట్లేనని తెలిపారు. ఈ ఆడియో వేడుకకు సంబంధించిన పాసులను తాము ప్రభాస్ అభిమాన సంఘాలకు స్వయంగా అందించినట్లుగా రాజమౌళి తెలిపారు. అభిమాన సంఘాల అధ్యక్షులు, రానా మేనేజర్స్ వద్ద పాసులు లభిస్తున్నాయని.. అక్కడి నుంచి పాసులు తీసుకుని వేడుకకు హాజరవ్వొచ్చని సోషల్ మీడియా ద్వారా తెలిపారు.
.jpg)
