దేవకన్యలా కనిపిస్తున్న తమన్నా ఫస్ట్ లుక్ పోస్టర్ చూస్తుంటే ఏదో ఓ పాత సినిమా గుర్తుకు వస్తుంది. కానీ ఇది ‘బాహుబలి‘ సినిమా లోనిది. తమన్న బర్త్ డే సందర్భంగా విడుదల చేసిన ఆమె ఫస్ట్ లుక్ ఇది. దివి నుంచి భువికి దిగివచ్చిన దేవకన్యలా నిలువెల్లా సౌందర్యంతో మెరిసిపోంది తమన్న. ఈ సినిమాలో ఆమె పేరు అవంతిక. ఈ పేరు కూడా దేవకన్యల పేరు లాగే ఉంది. పోస్టర్ చూస్తే మాత్రం రాజమౌళి మార్క్ కన్నా హీరోయిన్ ని అతిలోక సుందరిగా చూపించగల మరో దర్శకు కనిపిస్తున్నాడు. అదెవరో ఈ పాటికి అందరూ ఊహించే ఉంటారు. ఇందులో యువరాణి రోల్ చేస్తోంది ఈ మిల్క్ బ్యూటీ. ఈ పోస్టర్ తో ‘బాహుబలి’ గురించి మరోసారి ఇండస్ర్టీలో చర్చలు మొదలయ్యాయి. ఇప్పటివరకు ప్రభాష్, రాణా, అనుష్కల పోస్టర్లు రిలీజ్ చేసిన జక్కన్న తాజాగా తమన్నా పాత్రకు సంబంధించి ఓ స్టిల్‌ని రిలీజ్ చేశాడు. ఇందులో ప్రభాస్ తండ్రీకొడుకులుగా డ్యూయల్ రోల్ చేస్తున్న విషయం తెలిసిందే! తండ్రికి జోడీగా అనుష్క నటిస్తుండగా, కొడుకు పాత్రతో తమన్నా కనిపించనుందని యూనిట్ సభ్యులు చెబుతున్నారు. రమ్యకృష్ణ, సత్యరాజ్ వంటి నటీనటులు ఇందులో కీలక పాత్రలు పోషిస్తున్నారు.
.jpg)
