బాహుబలి చిత్రం ప్రపంచ వ్యాప్తంగా జులై 10న విడుదల అవుతున్న విషయం అందిరికీ తెలిసిందే. ఈ చిత్రాన్ని అన్ని భాషల్లోనూ విడుదల చేస్తున్న విషయం కూడా అందరికీ తెలుసు. హిందీ చిత్రం హక్కులను నిర్మాత కరణ్ జోహార్ పొందాడు. బాహుబలి హిందీ వర్షెన్ కు స్పెషల్ ప్రీమియర్ షో ప్రదర్శించేందుకు కరణ్ జోహర్ ప్లాన్ చేస్తున్నాడు.. ఈ ప్రీమియర్ షో ను జులై 9న ఏర్పాటు చేయనున్నట్టు తెలుస్తోంది. ఈ ప్రీమియర్ షో కు అమితాబ్, షారుక్ ముఖ్య అతిథులుగా విచ్చేయనున్నారట. అలాగే బాలీవుడ్ స్టార్ హీరోహీరోయిన్లు, సినీ ప్రముఖులు ఈ షోకు హాజరు కానున్నారు. ఈ సినిమా విజయంపై కరణ్ జోహర్ చాలా నమ్మకంతో వున్నాడు. ప్రస్తుతం ఈ చిత్ర పోస్ట్ ప్రొడక్షన్ పనులు చివరి దశకు చేరుకున్నాయి. మరికొద్ది రోజుల్లో భారీగా ప్రమోషన్ కార్యక్రమాలు మొదలుపెట్టనున్నారు. ప్రపంచ వ్యాప్తంగా నాలుగు భాషల్లో విడుదల కానున్న ఈ చిత్రానికి సంబంధించి ప్రమోషన్ కార్యక్రమాలు కనివినీ ఎరుగని రీతిలో జరపడానికి చిత్ర నిర్మాతలు సన్నాహాలు చేస్తున్నారు. ఇప్పటికే కీరవాణి సంగీతం అందించిన పాటలు విడుదలై మంచి రెస్పాన్స్ వచ్చింది. ప్రభాస్, రానా, అనుష్క, తమన్నా ప్రధాన పాత్రలలో నటించిన ఈ చిత్రంలో రమ్యకృష్ణ, నాజర్, సత్యరాజ్ కీలక పాత్రలలో నటించారు. భారీ అంచనాలతో విడుదల కానున్న ఈ సినిమా ఎన్ని రికార్డులను బద్దలుకొట్టనుందో మరికొద్ది రోజుల్లో తెలియనుంది.
.jpg)
