బడా హీరోల సినిమాలలో కథకు ఎంతటి ప్రాముఖ్యత ఉంటుందో అలాగే ఆయా చిత్రాల టైటిళ్లకు అంతే ప్రాధాన్యత ఉండాలి. ముఖ్యంగా నందమూరి వారి చిత్రాల టైటిళ్ల ఎంత పవర్ ఫుల్ గా ఉంటాయో మనందరికీ తెలుసు. నట సింహం నందమూరి బాలక్రుష్ణ విషయంలో అయితే ఇది మరీను. ఈ మధ్య కాలంలో ఆయన చిత్రాలు సింహా, లెజెండ్, లయన్... ఇలా ఓ దానికి మించి మరోకటి ఏ రేంజ్ లో వస్తున్నాయో. అలాగే బాలయ్య తదుపరి చిత్రానికి కూడా ఇప్పుడు అదే రేంజ్ లో టైటిల్ ఫిక్సయినట్లు సమాచారం. ఫిలింనగర్ వర్గాల సమాచారం మేరకు 99వ చిత్రానికి ‘డిక్టేటర్’ అనే టైటిల్ అనుకున్నట్లు తెలుస్తోంది. ‘లౌక్యం’ ఫేం శ్రీవాస్ దర్శకత్వంలో తెరకెక్కుతున్న ఈ చిత్రంలో నయనతార బాలయ్యకు జోడీగా నటించనుంది. కాగా, ఈ చిత్రానికి ఎంటైర్ టైన్ మెంట్ కథలకు మాటలు అందించే కోనవెంకట్-గోపీ సంభాషణలు అందిస్తారని తెలుస్తోంది. ఈరోస్ సంస్థ నిర్మాణంలో ఈ చిత్రం తెరకెక్కనుంది. డిక్టేటర్ అంటే నియంత, మరీ చిత్రంలో బాలయ్య పాత్ర ఎలా ఉండబోతుందో అని అభిమానుల్లో ఇప్పటినుంచే అంచనాలు పెంచేస్తున్నారు.
.jpg)
