ఎప్పుడెప్పుడా అని ఎదురు చూసిన లయన్ విడుదవవ్వడం, ఇప్పుడు డిక్టేటర్ కూడా మొదలెట్టారు. బాలయ్య అభిమానులు ఆయన వందో చిత్రం కూడా చూడాలని ఆత్రుత పడుతున్నారు. శుక్రవారం హైదరాబాద్ లో 99వ సినిమా డిక్టేటర్ లాంఛనంగా ప్రారంభించారు. ఈ చిత్రానికి లక్ష్యం, లౌక్యం ఫేం శ్రీవాస్ దర్శకత్వం వహించబోతున్నారు. డిక్టేటర్ సినిమాకు శ్రీవాస్ దర్శకత్వం వహించనున్నట్టు ఇంతకు ముందే ప్రకటించారు. ప్రముఖ నిర్మాణ సంస్థ ఈరోస్ ఇంటర్నేషనల్ వారు ఈ చిత్రాన్ని నిర్మిస్తున్నారు. డిక్టేటర్ ప్రారంభోత్సవ కార్యక్రమానికి దర్శకేంద్రుడు రాఘవేంద్రరావు, బోయపాటి శ్రీను ముఖ్య అతిథులుగా హాజరయ్యారు. బాలయ్య, అంజలిపై చిత్రీకరించిన ముహూర్తపు సన్నివేశానికి రాఘవేంద్రరావు కెమెరా స్విచాన్ చేయగా, బోయపాటి శ్రీను క్లాప్ కొట్టారు. ఈ కార్యక్రమానికి దర్శకుడు బి.గోపాల్, సురేష్ బాబు, అంబిక కృష్ణ, కోన వెంకట్, గోపీ మోహన్, సత్యదేవ్, రామ్ ఆచంట, గోపీచంద్ ఆచంట, అనీల్ సుంకర, మ్యూజిక్ డైరెక్టర్ ఆర్.పి.పట్నాయక్, ధశరథ్, జెమినీ కిరణ్ లు హాజరయ్యారు.
ఈ సినిమాను కొత్త టీంతో చేస్తున్నట్టు, ఇది యాక్షన్, ఫ్యామిలీ, ఎమోషన్స్, ఎంటర్ టైన్ మెంట్ అన్ని ఎలిమెంట్స్ తో యూనిక్ కాన్సెప్టుతో రూపొందిస్తున్నట్టు, ఈ కాన్సెప్ట్ తప్ప కుండా అందరికీ నచ్చుతుందని బాలయ్య తెలిపారు. కథ చాలా కొత్తగా ఉందనీ, కోన వెంకట్, గోపీ మోహన్ చక్కని కథ అందించారన్నారు. ఈ చిత్రానికి సంగీతాన్ని థమన్, కెమెరా శ్యామ్ కె.నాయుడు అందిస్తున్నారు. ఫైట్స్ రవి వర్మ, ఆర్ట్ బ్రహ్మకడలి, గౌతం రాజు ఎడిటింగ్ చేస్తున్నారు. బాలయ్య సరసన మొదటి సారిగా అంజలి హీరోయిన్ గా నటించనుంది. చిత్రంలో ఇంకో హీరోయిన్ కూడా ఉందని తెలిపారు.
.jpg)
