నంద‌మూరి బాల‌కృష్ణ హీరోగా న‌టించిన ల‌య‌న్ ఆడియో వేడుక గురువారం సాయంత్రం హైద‌రాబాద్‌లో జ‌ర‌గ‌నుంది. ఈ కార్య‌క్ర‌మానికోసం అనేక ప్ర‌త్యేక ఏర్పాట్లు చేశారు. శిల్ప‌క‌ళావేదిక ముందు గురువారం మ‌ధ్యాహ్నం నుంచే అభిమానుల సంద‌డి మొద‌లైంది. దానికి తోడు చూప‌రుల‌ను ఆక‌ట్టుకునే విధంగా 45 అడుగుల ఎత్తున ఏర్పాటు చేసిన బాల‌కృష్ణ క‌టౌట్ అంద‌రినీ ఆక‌ట్టుకుంటోంది. తెలుగు సినిమా చ‌రిత్ర‌లో ఓ ఆడియో విడుద‌ల వేడుక‌కు భారీ వ్య‌యంతో త్రీడీ సెట్‌ను ఏర్పాటు చేయ‌డం కూడా ఇదే ప్ర‌థ‌మం. సెట్ ఎలా ఉంటుందో, లోప‌ల ఇంకేం కొత్త అంశాలు ఉంటాయోన‌నీ, త‌మ అభిమాన హీరో, ఎమ్మెల్యే ల‌య‌న్ ఆడియో వేడుక‌లో పాలుపంచుకోవాల‌ని అభిమానులు బారులు తీరుతున్నారు. చిర‌కాలం త‌ర్వాత బాలయ్య సినిమా ఆడియో వేడుక‌కు చంద్ర‌బాబు నాయుడు చీఫ్ గెస్ట్ గా హాజ‌ర‌వుతున్నారు. అటు ఆంధ్ర‌ప్ర‌దేశ్‌కు సినిమ ప‌రిశ్ర‌మ‌ను త‌ర‌లించే విష‌య‌మై బాబు ఏమైనా హామీలిస్తారా? అనే అంశం కూడా అంద‌రిలోనూ ఉత్కంఠ‌త‌ను రేకెత్తిస్తోంది.
.jpg)
