సినీ ఫీల్డ్ లోకి ఆలస్యంగా అరంగేట్రం చేసిన దగ్గుబాటి రానాకు బాలీవుడ్ లో మంచి ఆఫర్లే వస్తున్నాయి. తెలుగులో అంత మంచి హిట్లేమీ రాకపోయినా బాలీవుడ్ లో మాత్రం అవకాశాలు బాగానే వచ్చిపడుతున్నాయి. ఇప్పుడు విడుదల కాబోతున్న ‘బాహుబలి’, ‘రుద్రమ దేవి’ వంటి సినిమాలు క్లిక్ అయితే తెలుగులో కూడా అవకాశాల పంట పండొచ్చు. ఇక బాలీవుడ్లో స్టార్ డైరెక్టర్ నీరజ్ పాండే దర్శకత్వం వహించిన ’బేబి’ చిత్రంలో నటించారు. అందులో నటన చాలా బాగుందని కితాబు అందుకున్నాడు. ఈ సినిమాలో బార్డర్ లో ఉగ్రవాదులు, అంతర్జాతీయ ఉగ్రవాదుల నుంచి భారతదేశానికి పొంచి ఉన్న ప్రమాదాల్ని ముందస్తుగానే కనిపెట్టే తెలివైన ఇంటెలిజెన్స్ అధికారులుగా అక్షయ్ కుమార్, రానా నటించారు. ఇందులో ఆయన పాత్ర చాలా ప్రత్యేకంగా ఉందనీ, ఉగ్రవాదంతో పోరాడే వీరుడిగా ఇందులో రానా కనిపిస్తాడు. ఇక బాలీవుడ్ బాద్ షా షారూఖ్ ఖాన్ తన తదుపరి చిత్రంలో రానాకు అవకాశం ఇస్తున్నట్టు వార్తలు వినిపిస్తున్నాయి. ఇప్పటివరకూ తెలుగులో మంచి హిట్లు రాని రానా బాలీవుడ్ పెద్ద హీరోలతో మంచి అవకాశాలు వస్తున్నాయి. అక్కడ క్లిక్ అయితే హిందీ సినిమాలకే అంకితమవుతారేమో...
.jpg)
