ఫామిలీ ఎమోషన్స్ తో పుట్టిన రోజు కానుక

పవన్ పుట్టిన రోజు సందర్భంగా మెగా హీరోల టీజర్లు సోషల్ నెట్ వర్క్ లో హల్ చల్ చేస్తున్నాయి. అందులో రాంచరణ్ బ్రూస్ లీ టీజర్ లో ఫామిలీ ఎమోషన్స్ బాగా చూపించారు. ఇదంతా పవర్ స్టార్ కోసమే అన్నట్టు. మొత్తం మెగా ఫామిలీ అభిమానులు ఫుల్ కుష్ అయ్యేలా ఈ టీజర్ కనిపిస్తోంది. బ్రూస్ లీ ది ఫైటర్ టైటిల్ కు తగిన సీన్స్ ను చూపించకుండా సింపుల్ గా ఇది ఫైటర్ సినిమా కాదు కుటుంబ సినిమా అన్నట్టు చూపించారు. పవన్ కు బర్త్ డే విషెస్ చెప్పేందుకు బ్రూస్ లీ సెకండ్ టీజర్ లాంఛ్ చేశాడు మెగా పవర్ స్టార్. మొదట రిలీజ్ చేసిన టీజర్ ఫక్తు యాక్షన్ సన్నివేశాలతో నిండిపోతే, ఇది మాత్రం ఎమోషన్స్ రొమాన్స్ తో నిండిపోయింది.  టీజర్ లో ఇప్పుడు వస్తున్న సినిమాలను పోలినట్టే ఉంది. మొత్తం పెద్ద కుటుంబమంతా దర్శనమిచ్చింది. తన ఫ్యామిలీకి చెర్రీని రకుల్ పరిచయం చేసే సీన్ తో మొదలుపెట్టి.... దాదాపు ట్రైలర్ అంతా ఫ్యామిలీ రిలేషన్స్ తోటే నింపారు. ముఖ్యంగా రకుల్ చరణ్ ల మధ్య అఫెక్షన్ బాగా పండింది. రకుల్ బైక్ డ్రైవ్ చేస్తుంటే...చరణ్ వెనకాల కూర్చుని  రావు రమేష్ చూడ్డంతో ఇబ్బంది పడే సీన్.. చూడ్డానికే లవ్లీ గా ఉంది. మొత్తానికి బ్రూస్ లీలో ఫ్యామిలీ డ్రామాని బాగానే ఉన్నట్లు అర్ధమవుతుంది.  టీజర్ చూస్తుంటే సీనియర్ ఆర్టిస్టులు చాలా మందే ఉన్నట్టు కనిపిస్తోంది. బ్రూస్ లీ టైటిల్ తో అబ్బ అన్నీ ఫైట్లు ఉంటాయేమో అని పెదవి విరిచే వాళ్ళు ఈ టీజర్ చూస్తే సినిమాకు పరిగెత్తేలా ఫామిలీ మెంబర్స్ ను కళ్ళకుఇంపుగా చూపించారు.  సాయి ధరమ్ తేజ్ ఈ టీజర్ గురించి చెపుతూ చరణ్ బావ కు బాబాయ్ మీద ఉన్న ప్రేమ ను ఈ టీజర్ తో  చూపించాడని చెప్పుకొచ్చాడు.