ప్రముఖ నటుడు శోభన్‌బాబు జయంతిని పురస్కరించుకొని ప్రతి ఏడాది తెలంగాణ సేవా సమితి, శ్రుతిలయ ఆర్ట్స్‌ అకాడమి సంయుక్తంగా పురస్కారాలను అందజేస్తోంది. ఇందులో భాగంగా ఈ ఏడాది ప్రముఖ దర్శకుడు, దర్శకరత్న దాసరి నారాయణరావును శోభన్‌బాబు స్వర్ణకంకణ పురస్కారంతో సత్కరించనున్నారు. ఈనెల 10న హైదరాబాద్‌లోని రవీంద్రభారతిలో ఈ కార్యక్రమం నిర్వహించనున్నారు. ''శోభన్‌బాబు మంచి నటుడే కాదు... మంచి మనిషి. ఎప్పటికీ తెలుగు ప్రజల గుండెల్లో చిరస్థాయిగా మిగిలిపోయేలా చెరగని ముద్ర వేసుకొన్నాడు. అలాంటి వ్యక్తి పేరుమీద ఏర్పాటు చేసిన ఓ పురస్కారం అందుకోవడం ఆనందంగా ఉంది''అని ఈ సందర్భంగా దాసరి తెలిపారు. ఈ కార్యక్రమానికి తెలంగాణ రాష్ట్ర ఉపముఖ్యమంత్రి మహమూద్‌ అలీ ముఖ్య అతిథిగా హజరుకానున్నారు. ఇదే వేదికపై నటుడు, మిమిక్రీ కళాకారుడు శివారెడ్డికి శోభన్‌బాబు పురస్కారాన్ని అందయనున్నారు.
.jpg)
