మాస్టర్‌ సుక్కురామ్‌ సమర్పణలో భీమవరం టాకీస్‌ పతాకంపై.. యువ ప్రతిభాశాలి సాయి అచ్యుత్‌ చిన్నారిని దర్శకుడిగా పరిచయం చేస్తూ.. తుమ్మలపల్లి రామసత్యనారాయణ నిర్మిస్తున్న ‘ధనలక్ష్మి తలుపు తడితే’ పాటలు జూన్‌5న విడుదల కానున్నాయి. బోలే శావలి సంగీత సారధ్యంలో రూపుదిద్దుకొన్న ఈ చిత్రం పాటలు తాజ్‌ బంజారాలో అత్యంత భారీగా ఏర్పాటు చేస్తున్న కార్యక్రమంలో రిలీజ్‌ కానున్నాయి. చిత్ర పరిశ్రమకు చెందిన పలువురు అతిరధమహారధులు, ప్రముఖులు ఈ వేడుకలో పాలుపంచుకోనున్నారు. ఆడియో విడుదల సందర్భంగా సంగీత దర్శకుడు బోలే శావలి మాట్లాడుతూ.. ‘ఓ గాయకుడిగా ‘కిక్‌`2’ చిత్రంలో నేను పాడిన ‘కంఫర్ట్‌’ సాంగ్‌ ఇస్తున్న కిక్‌లో ఉండగనే.. నేను సంగీతం సమకూర్చిన ‘ధనలక్ష్మి తలుపు తడితే’ ఆడియో ఫంక్షన్‌ జూన్‌ 5న చాలా గ్రాండ్‌గా జరగనుండడం కలిగిస్తున్న ఆనందం అంతా ఇంతా కాదు. ముఖ్యంగా ఈ చిత్రం కోసం నేను స్వరపరిచిన ‘కనకధార స్త్రోత్రం’ నాకు చాలా మంచి పేరు తెస్తుందనే నమ్మకముంది. ఈ సందర్భంగా ధనరాజ్‌, రామసత్యనారాయణ, అచ్యుత్‌ చిన్నారిలకు మనస్ఫూర్తిగా కృతజ్ఞతలు తెలియజేసుకొంటున్నాను’ అన్నారు. ధనరాజ్‌, మనోజ్‌నందం, రణధీర్‌, అనిల్‌ కళ్యాణ్‌, విజయ్‌సాయి, సింధుతులాని, శ్రీముఖి, నాగబాబు, తాగుబోతు రమేష్‌, రచ్చరవి, షేకింగ్‌ శేషు మరియు జబర్దస్త్‌ బ్యాచ్‌ ముఖ్యపాత్రలు పోషిస్తున్న ఈ చిత్రానికి సంగీతం: బోలే శావలి, ఎడిటర్‌: శివ వై.ప్రసాద్‌, కెమెరామెన్‌: జి.శివకుమార్‌, ఎగ్జిక్యూటివ్‌ ప్రొడ్యూసర్‌: ప్రసాద్‌రెడ్డి మల్లు (యుఎస్‌ఎ)`ప్రతాప్‌ భీమిరెడ్డి(యుఎస్‌ఎ), సమర్పణ: మాస్టర్‌ సుక్కురామ్‌, నిర్మాత: తుమ్మలపల్లి రామసత్యనారాయణ, కథ`స్క్రీన్‌ప్లే`సంభాషణలు`దర్శకత్వం: సాయి అచ్యుత్‌ చిన్నారి!!
.jpg)
