సూపర్ స్టార్ తో నెంబర్ వన్ డైరెక్టర్ సినిమా ఎప్పుడో?

రాజమౌళి తీసిన సినిమాలన్నీ బ్లాక్ బస్టర్స్. ఎన్ని సార్లు చూసినా చూడాలనిపించే సినిమాలు. ఇలాంటి నెంబర్ డైరెక్టర్ కు టాలీవుడ్ సూపర్ స్టార్, ఆరడుగుల ఈ అందగాడ్ని ఎందుకు వదిలిపెట్టినట్టు? ఆయనతో ఇంతవరకూ ఒక్క సినిమా కూడా ప్లాన్ చేయకపోవడమేమిటని? మహేష్ బాబు అభిమానులు తెగ బాధపడిపోతున్నారు. టాలీవుడ్ ప్రిన్స్ మహేష్ బాబు ఇప్పటి వరకు చాలా కమర్షియల్ సినిమాల్లో నటించాడు. చాలా మంది అగ్ర, కొత్త దర్శకులతో పనిచేసారు. కానీ రాజమౌళి దృష్టి మాత్రం ఆయనపైన పడలేదు. ఆయనతో ఒక్క సినిమా కూడా చేయలేదు.. అయితే మహేష్ అభిమానులను ఆనంద పరిచేలా రాజమౌళి ఒక అనౌన్స్ మెంట్ చేశాడు. ఈ మహేష్ తో తాను చేయబోయే సినిమా వివరాలపై ఓ క్లారిటీ ఇచ్చేసాడు. ‘మహేష్ బాబుతో సినిమా ఎప్పుడో ఖరారు అయ్యింది. అందుకు సంబందించిన అగ్రిమెంట్ పనులు కూడా పూర్తయ్యాయి. నిర్మాత కె.ఎల్.నారాయణ నిర్మించబోయే ఈ సినిమా కోసం మహేష్ ఎప్పుడో సైన్ చేసాడని’ తెలిపాడు. అయితే ఆ సినిమా ఎప్పుడు ప్రారంభమవుతుందో మాత్రం చెప్పకపోయినా.. సరైన సమయంలోనే ఆ సినిమా ప్రారంభమవుతుందని రాజమౌళి స్పష్టం చేసారు. ఇప్పుడు ‘బాహుబలి’ సెకండ్ పార్ట్ పనుల్లో రాజమౌళి బిజీ కానున్నాడు. ఈ సినిమా తర్వాత రాజమౌళి మరేదైనా సినిమాకు ప్లాన్ చేస్తాడా? లేక మహేష్ బాబు సినిమా అనౌన్స్ చేస్తాడా అని ఎదురు చూస్తున్నారు. కానీ ఈ ఎదురు చూపులకూ కనీసం సంవత్సరంన్నర పైనే పట్టొచ్చని కూడా అభిమానులు అంచనా వేస్తున్నారు