రిలీజ్ డేట్ లో ‘దొంగాట’ నిజంగానే అందరితో దొంగాట అడుతుందేమో అనుకోవాలి.. ఎందుకంటే ఈ రోజు ఉదయం నుండి ‘దొంగాట’ రేపు విడుదలవుతుందనే వార్తలు వినపడ్డాయి. అందుకు సంబంధించిన చర్చలు కూడా జరిగాయి. అయితే తాజా సమాచారం ప్రకారం దొంగాట వచ్చే వారమే విడుదల కానుంది. ఈ విషయాన్న నిర్మాత లక్ష్మీ ప్రసన్నే ఖరారు చేసేసింది. లక్ష్మీ మంచు, అడవిశేష్ ప్రధాన పాత్రల్లో మంచు ఎంటర్ టైన్మెంట్స్ బ్యానర్ పై రూపొందిన చిత్రం ‘దొంగాట’. లక్ష్మీ మంచు నిర్మించిన ఈ చితానికి వంశీ కృష్ణ దర్శకుడు. తాజాగా సెన్సార్ కార్యక్రమాలను పూర్తి చేసుకున్న ఈ చిత్రాన్ని మే 1న విడుదల చేయాలని ముందుగా అనుకున్నారు. అయితే మే 1న కమల్ ఉత్తమవిలన్, లారెన్స్ గంగ విడుదల కానుండటంతో సినిమా దొంగాట విడుదలను పోస్ట్ ఫోన్ చేయాలని చిత్రయూనిట్ భావించింది. అయితే ఈ రెండు చిత్రాలు ప్రస్తుతం ఆర్ధిక సమస్యలు ఎదుర్కొంటున్న కారణంగా విడుదల కాలేదుని సమాచారం రావడంతో లక్ష్మీ ప్రసన్న సినిమాని విడుదల చేయడానికి ప్రయత్నాలు ప్రారంభించింది. అయితే ఆర్ధిక సమస్యలను పూర్తి చేసుకున్న గంగ ఈ రోజు మధ్యాహ్నం పన్నెండు గంటల ఆటతో ప్రేక్షకుల ముందుకు వచ్చింది. దాంతో ఇప్పుడు మంచు లక్ష్మీ సినిమా వచ్చే వారమే విడుదల చేద్దామని డిసైడ్ చేసేసుకుంది. డిక్లేర్ చేసేసింది కూడా..
.jpg)
