బాహుబలికి ముందైనా... వెనకైనా బలే!

ప్రతిష్టాత్మక ప్రాజెక్టు బాహుబలి. వచ్చే శుక్రవారం అంటే జూలై 10న విడుదల కాబోతుంది. ఈ చిత్ర విడుదలకు సంబంధించిన పనులన్నీ ఇప్పుడు ప్రారంభమయ్యాయి. అత్యంత భారీ బడ్జెట్ తో తెరకెక్కిన ఈ చిత్రానికి ఎటువంటి దెబ్బ తగలకూడదనే నిర్ణయంతో సూపర్ స్టార్ మహేష్ బాబు కూడా తన శ్రీమంతుడు చిత్రాన్ని పోస్ట్ పోన్ చేసుకున్నాడు. తాను కూడా బాహుబలి కోసం ఎదురు చూస్తున్నానని మహేష్ ప్రకటించటం విశేషం. ఇక మిగతా హీరోలు కూడా దెబ్బడి పోతామన్న భయంతో తమ తమ ప్రాజెక్టులను ఏకంగా ఓ నెలరోజుల పాటు పక్కన పెట్టేసుకున్నారు. దీంతో చిన్నా చితకా చిత్రాలన్నీ వారం ముందుగానే అంటే జూలై 3న విడుదలయ్యాయి. రికార్డు స్థాయిలో దాదాపు 11 చిత్రాలు విడుదల కావటం విశేషం. జయసుధ తనయుడి ఆరంగ్రేటం బస్తీ, సూపర్ స్టార్ కిడ్నాప్, ది బెల్స్, గ్యాంగ్ ఆఫ్ గబ్బర్ సింగ్, యూత్ ఫుల్ లవ్, ఓ చెలియా నా ప్రియ సఖియా, మాయా చిత్రం, తమిళ్ డబ్ చిత్రం శీనుగాడి లవ్ స్టోరీ, హాలీవుడ్ డబ్ చిత్రం టర్మినేటర్ జెనిసిస్ తోపాటు మరో రెండు చిత్రాలు విడుదలయ్యాయి. బాహుబలి హవా ముందు ఎలాగూ నిలబడ లేమని కనీసం వారం ముందైనా వచ్చి అలరిద్దామని రిలీజయ్యాయి. అయితే ఈ రేంజ్ చిత్రాలు బాహుబలి ముందు రిలీజ్ అయిన తర్వాత రిలీజ్ పెద్ద లాభమేం లేదని సినీ విశ్లేషకులు చెబుతున్నారు. మరీ ఈ వారంపాటు అలరించే ఆ చిత్రం వీటిల్లో ఏది అవుతుందో... వెయిట్ అండ్ సీ.