ఆమెకు భారత్ ఓటమికి లింకేంటబ్బా?

ఇప్పటి వరకూ భారత్ టీమ్ అందర్నీ ఆలౌట్ చేస్తూ క్రికెట్ అభిమానులను ఉత్సాహ పరుస్తూ వచ్చింది. ఇక ఈ రోజు ఆటతో ఫైనల్ కు చేరుకుంటాం అనుకున్న క్రికెట్ అభిమానులకు ఆశాభంగం కలిగింది. 95 పరుగుల తేడాతో ఆస్ట్రేలియా చేతిలో భారత్ చిత్తుగా ఓడిపోయింది. అయితే గురువారం జరిగిన ఇండియా-ఆస్ట్రేలియా సెమీ ఫైనల్ లో బాలీవుడ్ హీరోయిన్ అనుష్క శర్మ సిడ్నీ క్రికెట్ స్టేడియంలో కనిపించింది. ఆమె విరాట్ కోహ్లి ఆట చూసేందుకే అక్కడికి వచ్చిందనేది అందరికీ తెలిసిందే. అనుష్క శర్మ వచ్చిన కొన్ని మ్యాచుల్లో విరాట్ కోహ్లి సరిగా ఆడలేదు. ఈ రోజు కూడా అదే రిపీట్ అయ్యింది. ఈ మ్యాచు లో విరాట్ కోహ్లి కేవలం ఒకపరుగు చేసి ఔట్ అయ్యారు. దీంతో పలువురు క్రికెట్ అభిమానులు అనుష్క శర్మపై వైపు చూసి తిట్ల దండకం మొదలు పెట్టారు. ఆమె ఆస్ట్రేలియా వచ్చినందువల్లే ఆట ఓడిపోయామని కొందరు సెంటిమెంటల్ గా ఫీలయ్యారట. గత కొన్నాళ్ళుగా వీళ్ళు చెట్టాపట్టాలేసుకు తిరగడం అందరి కళ్ళలోనూ పడింది. దీంతో మ్యాచ్ పై కోహ్లి కాన్సన్ ట్రేషన్ తగ్గిందని కూడా అంటున్నారు. ఆమెను బహిరంగంగా విమర్శించినప్పటికీ నోరు విప్పని అనుష్క చివరికి ‘తను ఆడకపోవడానికి కారణం నేనెలా అవుతాను. ఇది చాలా హాస్యాస్పదంగా ఉందంటూ’ వ్యాఖ్యానించిందట. మొత్తానికి ఆట ఓడినందుకు అప్సెట్ అయిన అభిమానులు కొందరు అనుష్కపై విరుచుకుపడ్డారట.