ఈ ఏడాది విడుదలైన బాహుబలి సినిమా ఎంతో మంది నటీనుటలకు, సాంకేతిక నిపుణులకు అంతర్జాతీయ గుర్తింపునిచ్చింది. ఇక ఇందులో నటించిన హీరో ప్రభాస్ కు ఈ ఏడాదిని కెరీర్ కు ప్రత్యేక గుర్తింపు నిచ్చిన సంవత్సరంగా చెప్పుకోవాలి. ఈ సినిమా కోసం ఆయన రెండేళ్ళ పాటు మరే ప్రాజెక్టుకూ కమిట్ కాకుండా కష్టపడ్డాడు. అందుకే ఈ రోజు ఆయన పుట్టిన రోజును టీంతోనే జరుపుకున్నారు. అన్ని సినిమా షూటింగుల్లా కాకుండా బాహుబలి సినిమాకు ఎక్కువ సమయం ప్రభాస్ ఆయన కో స్టార్లతో గడపడంతో వీరంతా చాలా క్లోజ్ ఫ్రెండ్స్ అయిపోయారు. మళ్ళీ అందరితోనూ కలిసి నటించే సమయం కోసం మరోసారి ఎదురు చూస్తున్నారు. బాహుబలి సెకండ్ పార్ట్ కోసం మళ్ళీ వీళ్ళంతా సిద్ధమైపోయారు. అందుకే అందరూ కలిసి ఈ రోజు (అక్టోబర్ 23) ప్రభాస్ పుట్టిన రోజును చాలా ఆనందంగా జరుపుకున్నారు. ఇప్పుడు ఈ టీం ఫొటోలు సోషల్ మీడియాలో హల్ చల్ చేస్తున్నాయి. అందరికన్నా తమన్నా చాలా హడావుడి చేసినట్టు ఈ ఫొటోలు చూస్తే అర్థమవుతుంది. ఈ మధ్య కాలంలో ఈ అమ్మడికి ‘బాహుబలి’ తప్ప పెద్దగా హిట్స్ లేవు. ఇది ఇంటర్నేషనల్ గుర్తింపు తెచ్చిన సినిమా కావడం, ముఖ్యమైన అవంతిక పాత్రలో ప్రభాస్ తో కలిసి చేయడంతో ఈ హీరోగారితో చాలా చనువు ఏర్పడినట్టుంది. అందుకే తనతో ఓ సెల్ఫీ దిగి పోస్ట్ చేసింది.
ఇక ఈశ్వర్ సినిమాతో సినీ హీరోగా కెరీర్ ప్రారంభించిన ప్రభాస్ కు మంచి హిట్లు చాలానే ఉన్నాయి. రాజమౌళితోనే చేసిన ఛత్రపతి ఈయనకు అంతకుముందున్న హిట్లలో ఓ బ్లాక్ బస్టర్. ఆ సమయంలోనే రాజమౌళికి ఓ పెద్ద ప్రాజెక్టు కోసం మాట ఇచ్చాడట. రాజమౌళితో రెండు సినిమాలు చేసిన హీరో ప్రభాస్. వర్షం, బిల్లా, డార్లింగ్, మిస్టర్ పర్‌ఫెక్ట్, మిర్చి సినిమాలు కూడా ప్రభాస్ సినీ కెరీర్ లో మంచి గుర్తుంపు నిచ్చిన సినిమాలు..
బాహుబలి రెండో పార్ట్ ఎప్పుడు విడుదలవుతుందో ఏమో గానీ... ఈ సినిమాను రాజమౌళి మరింత ప్రిస్టేజియస్ గా తీసుకుని చేస్తాడన్న టాక్ ఇప్పటికే వినిపిస్తోంది. ఈ సినిమాతో ప్రభాస్ మరోసారి ఇంటర్నేషనల్ సినీ లవర్స్ దృష్టిలో పడిపోతాడు. ప్రభాస్ ఇలాంటి మరెన్నో సినిమాలు చేయాలని కోరుకుంటూ నిహార్ ఆన్ లైన్ ప్రభాస్ కు పుట్టిన రోజు శుభాకాంక్షలు తెలుపుకుంటోంది.
.jpg)
