శ్రీచర్ల మూవీ బేనర్ లో శ్రీనివాస్ యాదవ్ నిర్మిస్తున్న కొత్త చిత్రంలో తనిష్ హీరోగా నటిస్తున్నాడు. ఈ చిత్రానికి సంజీవ్ మేగోటి దర్శకత్వం వహిస్తుండగా ఈ సినిమాలో మోహిత హీరోయిన్ గా నటిస్తోంది. ఈచిత్రం సోమవారం రామానాయుడు స్టూడియోలో ప్రారంభ కార్య క్రమం జరుపుకుంది. ముహూర్తపు సన్నివేశాన్ని మేగోటి ఉమా మహేశ్వరి, శిరీష స్విచాన్ చేయగా, పసుపులేటి రామారావు క్లాప్ కొట్టారు. సంజీవ మేగోటి దశాబ్దం తరువాత ఓ సినిమా చేస్తున్నానని తన ఆఖరి చిత్రం తెలుగులో పౌరుషం అనీ, కన్నడలో మాత్రం నాలుగు చిత్రాలు చేసినట్టు చెప్పారు. ఇప్పుడు తీయబోయే చిత్రాన్ని తెలుగు, కన్నడంలో తీస్తున్నామని చెప్పారు. ఇందులో సగటు మనిషి సంగంలో, సైనికుడు సైన్యంలో ఉండాలి అనే కాన్సెప్టుతో రూపొందిస్తున్నట్టు చెప్పారు. ఇది మోహితకు తొలి సినిమా లనీ, కన్నడలో అయితే కొన్ని సినిమాలు చేసినట్టు చెప్పారు. ఇందులో హీరో పాత్ర కొద్దిగా పాజిటివ్ గా మరికొద్దిగ నెగటివ్ గా ఉంటుందని నిర్మాత తెలిపారు.
.jpg)
