‘జాదూగాడు’ ఆడియో విడుదల

నాగశౌర్య, సోనారిక హీరో హీరోయిన్లుగా సత్యా ఎంటర్ టైన్మెంట్స్ బ్యానర్ పై రూపొందుతోన్న చిత్రం జాదూగాడు. యోగేష్ దర్శకత్వంలో తెరకెక్కుతోన్న ఈ చిత్రాన్ని వి.వి.ఎన్.ప్రసాద్ నిర్మిస్తున్నారు. సాగర్ మహతి సంగీతం అందించిన ఈ చిత్ర ఆడియో విడుదల కార్యక్రమం మంగళవారం హైదరాబాద్ లో జరిగింది. ఈ కార్యక్రమంలో మణిశర్మ బిగ్ సీడీని ఆవిష్కరించారు. కార్యక్రమానికి హాజరైన అతిథులందరూ కలిసి ఆడియో సీడీలను ఆవిష్కరించారు. ఆడియో మ్యాంగో మ్యూజిక్ ద్వారా మార్కెట్లోకి విడుదలైంది. యూనిట్ కి మణిశర్మ ఆల్ ది బెస్ట్ చెప్పారు. తనతో సినిమా తీసే ప్రతి నిర్మాత తనకు దేవుడితో సమానమని, హీరోగా కావడానికి ఎంత కష్టపడ్డానో నాకు తెలుసు. హీరోగా నన్ను నిలబెట్టిన సాయికొర్రపాటి, అవసరాల శ్రీనివాస్ గారికి థాంక్స్ అంటూ హీరో నాగశౌర్య అన్నారు. తన సినిమాలను ఎన్నింటికో అద్భుతమైన సంగీతం అందించిన మణిశర్మ అబ్బాయి ఈచిత్రంతో సంగీత దర్శకుడిగా మారడం ఆనందంగా ఉందని, తప్పకుండా తను కూడా పెద్ద మ్యూజిక్ డైరెక్టర్ అవుతాడని దర్శకుడు బి.గోపాల్ అన్నారు. యోగి చేసే ఈ సినిమాలో ఏదో గ్యాప్ ఉంటుందని, సినిమా తప్పకుండా పెద్ద హిట్టవుతుందని కోనవెంకట్ అన్నారు. ఎంతో మంది గొప్పవారు పనిచేసిన తెలుగు సినీ ఇండస్ట్రీలో నేను కూడా పార్ట్ కావడం ఆనందంగా ఉందని సాగర్ మహతి అన్నారు.

ఈ కార్యక్రమంలో ప్రసాద్ ల్యాబ్స్ అధినేత రమేష్ ప్రసాద్, నందనిరెడ్డి, దామోదర్ ప్రసాద్, మోహర్ రమేష్, కళ్యాణ్ మాలిక్ తదితరులు పాల్గొని ఆడియో, సినిమా పెద్ద సక్సెస్ కావాలని యూనిట్ అభినందించారు.