టీజర్ లో ‘టెంపర్’ మొత్తం చూపించాడు

సంక్రాంతి పండుగకే విడుదల చేయాలనుకున్న ‘టెంపర్’ మూవీకి బ్రేక్ పడింది. అయితేనేం, ఎవరూ ఊహించని విధంగా న్యూఇయర్ కు ఈ చిత్రం టీజర్ ను విడుదల చేశారు. "ఇద్దరు కొట్టుకుంటే యుద్దం... అదే ఒకడే మీదడిపోతే అది దండయాత్ర... అది దయాగాడి దండయాత్ర" అనే పవర్ ఫుల్ డైలాగుతో ఎన్టీఆర్ కనిపిస్తాడు. నందమూరి వారి చిత్రం అంటేనే పంచ్ డైలాగులు ఉంటాయనేది అందరికీ తెలిసిందే. ఒకే రోజు విడుదలైన లయన్, టెంపర్ సినిమాల టీజర్ల రెండిటిలోనూ పవర్ ఫుల్ డైలాగుల పంచ్ లే వినిపించాయి. అయితే టెంపర్ చిత్రంలోని మరి కొన్ని డైలాగులు ఇంటర్ నెట్ లో హల్ చల్ చేస్తూ అభిమానులకు ఈ చిత్రం పై అంచనాలు పెరిగిపోయేలే చేస్తున్నాయి. ‘నేను కంట్రోల్ తప్పి కొడితే... కంట్రోల్ రూం వరకూ పోతావ్... నేను కాన్ఫిడెంట్ గా కొడితే... కంటికి కనపడకుండా పోతావ్. అదే నేను నాకున్న టెంపర్ తో కొడితే కోమా... దానమ్మో ఏమంటార్రా దాన్ని? ఆడికి పోతావ్...!!’... ‘రేయ్.. నువ్వు పాత సినిమాలో విలన్ డైలాగ్ చెప్పకు. నేను మళ్లీ పాత సినిమా లో ఎన్టీఆర్ లా మారాల్సి వస్తుంది’, ‘నువ్వు ఎలిమినేట్ అవ్వడానికి ఎలక్షన్స్ ఎందుకు రా... నా చేత్తో ఎన్కౌంటర్ అవ్వకుండా చూసుకో’ ఇలాంటి డైలాగులతో పాటు న్యూ ఇయిర్ కానుకగా పూరి జగన్నాథ్ విడుదల చేసిన టెంపర్ చిత్రం టీజర్ ఇప్పుడు అభిమానులను ఓ రేంజిలో అలరిస్తోంది. ఈ టీజర్ తో ఒక్కసారిగా చిత్రంపై అంచనాలు పెరిగిపోయాయి.