బాహుబలిని వీక్షించేందుకు మరి కొన్ని గంటలే నిరీక్షించాలి... జూనియర్ ఎన్టీఆర్ బాహుబలి టీమ్ కు అభినందనలు తెలిపాడు. ఎన్టీఆర్ తో రాజమౌళి ముచ్చటగా మూడు సినిమాలు తీశాడు. అన్నీ బ్లాక్ బస్టర్సే. 12 ఏళ్ళ క్రితం ‘సింహాద్రి’ సినిమా రికార్డు సృష్టించింది. మళ్ళీ అదే టీం... అదే డైరెక్టర్ ఈ రోజు బాహుబలిని విడుదల చేస్తున్నారు. ఎన్టీఆర్, రాజమౌళి ఒక కుటుంబంలా కలిసుంటారన్నది ఇండస్ట్రీలో అందరికీ తెలుసు. ఎన్టీఆర్ ఏమిటి? జక్కన్నతో పని చేసిన ప్రతి హీరో అదే విధంగా ఫీల్ అవుతాడు. ఇక బాహుబలికి పని చేయడం అంటే మూడేళ్ళ అనుబంధం అన్నట్టే కదా... ఎంతో కష్టపడి చేసిన ఈ సినిమా రేపు ప్రేక్షకుల ముందుకు రానుంది. అన్ని పనులను పూర్తి చేసిన రాజమౌళి టీం ఒకింత టెన్షన్ తో, ఒకింత ఆసక్తిగా ఈ సినిమా రిలీజ్ కోసం చూస్తున్నారు. ఇప్పటికే ఇండస్ట్రీలోని ప్రముఖులంతా ఈ సినిమా టాలీవుడ్ తో పాటు ఇండియా కూడా గర్వంగా చెప్పుకునే సినిమా కావాలని బెస్ట్ విషెష్ చెప్తున్నారు. కొద్ది సేపటి క్రితమే యంగ్ టైగర్ ఎన్.టి.ఆర్ బాహుబలి టీంకి ట్విట్టర్ ద్వారా బెస్ట్ విషెస్ తెలియజేశాడు. ‘బాహుబలి టీం అంతటికి ఆల్ ది బెస్ట్. ముఖ్యంగా ఎంతో విజన్ ఉన్న జక్కన్న ఖచ్చితంగా వరల్డ్ సినిమాని థ్రిల్ చేస్తాడని ఎంతో నమ్మకంగా ఉన్నాను. తెలుగు సినిమా ఖ్యాతిని దశదిశలా బాహుబలి వ్యాపింపజేస్తుందని నా నమ్మకం’ అని ఎన్.టి.ఆర్ పోస్ట్ చేసాడు. బాహుబలి టీం కూడా ఎన్.టి.ఆర్ విషెస్ కి థాంక్స్ చెప్పారు. బాహుబలి రేపు నాలుగు భాషల్లో సుమారు 4000కి పైగా థియేటర్స్ లో రిలీజ్ కానుంది. ఇప్పటికే ఈ సినిమాకు పలవురు సినీ ప్రముఖులు మహేష్ బాబు, అల్లు అర్జున్, చిరంజీవి, సూర్య, అమితాబ్ బచ్చన్, బాలీవుడ్ ప్రముఖులైన ఖాన్ లలో సల్మాన్ ఖాన్ కూడా ఈ సినిమాకు అభినందనలు తెలపడం విశేషం.
.jpg)
