మరో అప్ కమింగ్ హీరో అనంత లోకాలకు చేరుకున్నాడు. త్వరలో అతని చిత్రం విడుదలవుతున్న సందర్భంగా ఫ్యామిలీతో సరదాగా గడుపుదామని మలేషియా వెళ్లాడు. అక్కడ జలపాతంలో పడి కొట్టుకుపోయి మరణించాడు. వివరాల్లోకి వెళ్లితే... కేశవన్ అనే యువనటుడు హీరోగా ‘కా కా కా పో’ అనే చిత్రం రూపుదిద్దుకుంది. సాక్షి అగర్వాల్ హీరోయిన్ గా, పవర్ స్టార్ శ్రీనివాసన్ ముఖ్యపాత్రలో నూతన దర్శకుడు విజయ్ రూపొందిస్తున్న ఈ చిత్రం షూటింగ్ ఇటీవలే పూర్తి అయింది. ఈ వారం చివర్లో ఆడియో విడుదల చేసి త్వరలో దీనిని విడుదల చేసేందుకు చిత్ర యూనిట్ సన్నాహాలు చేస్తుంది.
కాగా, ఈ చిత్రం ప్రమోషన్ కోసం మలేషియాలో టీవీ చానల్స్ కు ప్రత్యేక కార్యక్రమం చేయడానికి కేశవన్ మలేషియా వెళ్లాడు. అంతేకాదు ఫ్యామిలీకి విడిదిలా ఉంటుంది అందరినీ అక్కడికి తీసుకెళ్లాడు. అక్కడి జలపాతాలు చూస్తున్న క్రమంలో కాలుజారి అందులో పడిపోయాడు. ఆ సమయంలో కేశవన్ తల్లి సైతం అక్కడే ఉంది. కళ్లముందే కొడుకు జలపాతంలో కొట్టుకుపోవడంతో ఆమె రోదన ప్రతి ఒక్కరినీ కదిలించింది. ప్రస్తుతం అతని మృతదేహం కోసం మలేషియన్ పోలీసులు గాలింపు చర్యలు చేపట్టారు. ఆడియో విడుదల వేడుకలను ఘనంగా నిర్వహించాలని భావిస్తున్న వేళ, హీరో ప్రమాదవశాత్తూ మరణించడం ఎంతో బాధను కలిగిస్తోందని దర్శకుడు విజయ్ తెలిపాడు.
.jpg)
