బాలీవుడ్ బ్లాక్ ఆంటీకి ఐదు కోట్లా?

బాలీవుడ్ నటి కాజోల్ షారూఖ్ తో జత కట్టి చేసిన సినిమాలు ఎన్నిహిట్టయ్యాయో అందరికీ తెలుసు. ఒక విధంగా చెప్పాలంటే ఈ జంట అందరి హృదయాల్నీ కొల్లగొట్టిన జంట. ఒక దశలో బాలీవుడ్ టాప్ హీరోయిన్ గా పేరు పొందిన కాజోల్ అజయ్ దేవగన్ ని పెళ్ళి చేసుకుని పిల్లల్ని కనేసి వారికి డైపర్లు మార్చుతూ, అడపాదడపా డైపర్ల యాడ్స్ లో కనిపిస్తూ తల్లి బాధ్యతల్లో బిజీ అయిపోయింది.  ఇప్పుడు చాలాకాలం తరువాత మరోసారి వెండితెరపై తిరిగి ఎంట్రీ ఇస్తున్న సంగతి తెలిసిందే. ఇది భారీ బడ్జెట్ చిత్రం ‘దిల్‌వాలే’ ద్వారా! అందులోనూ తన పాత జోడీ అయిన షారుఖ్ ఖాన్ సరసన!! రోహిత్‌షెట్టీ రూపొందిస్తున్న ఈ చిత్రం గురించి మరో ఆసక్తికరమైన వార్త తెలిసింది. ఈ సినిమాకు కాజోల్ అందుకుంటున్న పారితోషికం ఐదు కోట్లట! చాలా కాలంగా సినిమాల్లో కనిపించని కాజోల్ ఇప్పుడు ఈ చిత్రంతో ఏకంగా అగ్రశ్రేణి తారలు కరీనా కపూర్, కత్రినా కైఫ్‌ల స్థాయిలో అత్యధిక పారితోషికం తీసుకుంటోంది. రానున్న జూన్ నుంచి ఈ చిత్రం కోసం షారుఖ్, కాజోల్‌లు షూటింగ్‌లో పాల్గొననున్నాకట,  వీరిద్దరూ నటించిన‘బాజీగర్’, ‘దిల్‌వాలే దుల్హనియా లే జాయేంగే’, ‘కుఛ్ కుఛ్ హోతా హై’, ‘మై నేమ్ ఈజ్ ఖాన్’ వంటి చిత్రాలు సూపర్ హిట్ అయినవి. ఇప్పుడు నటిస్తున్న సినిమా కూడా ఫామిలీ ఎంటర్ టైన్మెంట్ కావడంతో అందరూ ఈ సినిమా ఎప్పుడు వస్తుందా అని ఎదురు చూస్తున్నారు.