కమల్ హాసన్ ‘చీకటి రాజ్యం’ ఫస్ట్ లుక్’

రాజ్ కమల్ ఫిలిమ్స్ ఇంటర్నేషనల్ బ్యానర్ పై కమల్ హాసన్ మరో చిత్రం చీకటి రాజ్యం రెడీ అవుతోంది. కమల్ సోదరుడు చంద్రహసన్ నిర్మిస్తున్న ఈ చిత్రాన్ని కమల్ వద్ద దర్శకత్వ శాఖలో పనిచేస్తున్న రాజేశ్ ఎమ్.సెల్వ దర్శకుడిగా పరిచయమవుతున్న ఈ చిత్రం ఫస్ట్ లుక్ రిలీజ్ చేశారు. ఈ చిత్రంలో ఓ  కీలకపాత్రలో ప్రకాశ్ రాజ్ నటిస్తుండగా గతంలో మన్మథబాణం చిత్రంలో కమల్ తో కలసి నటించిన త్రిష. మరోసారి ఈ సినిమాలో హీరోయిన్ గా కనిపించబోతోంది. కిషోర్సంపత్ ఇతర ముఖ్యపాత్రలు పోషిస్తున్నారు. ఈ సినిమా ఫస్ట్ లుక్ పోస్టర్ విడుదల హైదరాబాద్ లో జరిగింది. ఈ సందర్భంగా తాను తెలుగు ప్రేక్షకులకు ఇచ్చిన మాటకు కట్టుబడి ఉన్నానని రుజువు చేసుకున్నానన్నారు. కెరీర్ లో ఇప్పటివరకూ పోషించని డిఫరెంట్ క్యారెక్టర్ ను ఈ సినిమాలో పోషిస్తున్నానని త్రిష, రాజ్ కమల్ ఇంటర్నేషనల్ లో చేరిన తను ఇప్పుడు కమల్ సినిమాతోనే దర్శకుడిగా మారడం ఆనందంగా ఉందని, ఇది వరంగా భావిస్తున్నానన్న దర్శకుడు రాజేశ్ కమల్ తనపై ఉంచిన నమ్మకాన్ని నిలబెట్టుకుంటానన్నాడు. ఈ సినిమా గురించి కమల్ తనను సంప్రదించినప్పుడు తెలుగులోనూ స్ట్రయిట్ సినిమా చేస్తే బాగుంటుందని సూచించినట్టు ప్రకాశ్ రాజ్ తెలియజేశారు.  రెండుగంటల పాటు ప్రేక్షకుడిని కుర్చీ నుంచి కదలనీయకుండా చూసేంతటి గొప్ప కథాబలం ఉన్న సినిమా ఇదవుతుందని ధీమాగా చెప్పగలనన్నారు రైటర్ అబ్బూరి రవి, కొన్నేళ్ళ తర్వాత తెలుగులో స్ట్రయిట్ మూవీతో మెప్పిస్తానంటున్నాడు.