కపిల్-రేసుగుర్రం ఎక్కడ కలిసారబ్బా?

బన్నీ సతీ సమేతంగా కపిల్ ను ఎక్కడ కలిసారో గానీ... ఈ పిక్ లో మాత్రం బన్నీ ముఖంలో విజయ గర్వం తొంగి చూస్తోంది కదూ... ! అవును మరి ఈ క్రికెట్ వీరుడు బన్నీతో మాట్లాడ్డమే కాదు... తను నటించిన రేసు గుర్రం చూశాననీ, చాలా బాగుందని మెచ్చుకుంటే... బన్నీ ఫీలింగ్స్ ఎలా ఉంటాయి. ఆయనేమిటి మన తెలుగు సినిమా చూడ్డమేమిటి? పైగా బాగుందని మెచ్చుకోవడమేంటి? అని తెగ సంబరపడిపోయాడు అల్లు అర్జున్. అందుకే ఈ ఫొటోలో అంత ఉత్సాహం కనిపిస్తోంది. అల్లు అర్జున్ కపిల్ ను ఎక్కడ కలిసారో గానీ, ఇక్కడ ఓ స్టార్ హోటల్ లో ఉన్నట్టు తెలుస్తోంది. అల్లు అర్జున్ సతీమణి స్నేహతో కలిసి దిగిన ఫొటోను ట్విట్టర్ లో పోస్ట్ చేశాడు. తనను కలవడం చాలా సంతోషం కలిగించిందని చెప్పుకొచ్చాడు. అంతే కాదు తన సినిమా రేసు గుర్రం గురించి మాట్లాడే సరికి ఫ్లాట్ అయిపోయానని చెప్పుకొచ్చాడీ స్టైలిష్ స్టార్. మరి కపిల్ రేసు గుర్రం ఎక్కడ చూసుంటాడని మనకీ డౌట్ వస్తోంది కదా... బన్నీకి కూడా ఈ డౌట్ వచ్చేసినట్టుంది. అదే విషయం క్లారిఫై చేసుకున్నట్టున్నాడు. కపిల్ సెట్ మ్యాక్స్ ఛానల్లో వచ్చే ఇండియన్ సౌత్ సినిమాలన్నీ చూస్తానని చెప్పాడట. రేసు గుర్రం కూడా అలా చూశానని చెప్పాడట. బన్నీని చాలా బాగా చేశాడని మెచ్చుకున్నాడట. ఆ గ్రేట్ క్రికెటర్ పొగిడితే ఎంత గర్వంగా ఉంటుంది చెప్పండీ. అదే విషయాన్ని ట్వీటుతూ ఇది నాకు గొప్ప గౌరవంగా భావిస్తున్నానన్నాడు బన్నీ.