బాహుబలి చిత్రంలో నటన పరంగా మంచి పేరు తెచ్చుకున్న నటులు కట్టప్ప, రమ్యకృష్ణ. ఇక సత్యరాజ్ కు కత్తులు పట్టుకుని యుద్ధం చేయాలన్న కోరిక ఈ సినిమాలోనే తీరిందట. అంతటి డ్రీమ్ రోల్ ను ఈ కట్టప్ప ఎలా వదులుకుంటాడు. అందుకే బాహుబలి 2ను మిస్ చేయదలుచుకోలేదట. ఇప్పుడు ఎక్కడ చూసినా ‘బాహుబలిని కట్టప్ప ఎందుకు చంపాడు’ అన్న చర్చే జరుగుతోంది. ఈ నేపథ్యంలో బాముబలి 2 కోసం కట్టప్ప సత్యరాజ్ పెద్ద త్యాగమే చేశాడు. తమిళ అగ్రనాయకుడు విజయ్ 59వ చిత్రంలో విలన్గా నటించే అవకాశాన్ని సత్యరాజ్ వదులుకున్నాడు. బాహుబలి – 2 షూటింగ్ కోసం సత్యరాజ్ 100 రోజులు కేటాయించనున్నాడు. ఈ నేపథ్యంలో విజయ్ సినిమాలో నటించే అవకాశాన్ని ఆయన వదులుకున్నాడు. తప్పని పరిస్థితులలోనే సత్యరాజ్ ఈ త్యాగం చేశాడని సినీ వర్గాలు చెబుతున్నాయి. బాహుబలి – 2 లో కట్టప్ప పాత్ర కీలకంగా ఉంటుందన్న అంచనాలు ఉన్నాయి.
.jpg)
