ఇప్పుడు రేడియోల్లో ఎఫ్.ఎం లలో సినిమాల ప్రమోషన్ కార్యక్రమాలు ఊపందుకుంటున్నాయి. సిటీలో ఉన్న నాలుగైదు ఎఫ్.ఎం స్టేషన్లు నిత్యం తారలతో కళకళలాడుతున్నాయి. ఇటీవల విడుదలవుతున్న సినిమాలన్నీ ఎఫ్.ఎం లో ముందు ప్రమోషన్ చేసుకున్న తరువాతే ప్రెస్ మీట్లు మొదలు పెడుతున్నారు. బాహుబలి సినిమాకు కూడా ముంబై వెళ్లి అక్కడ రేడియో ఎఫ్ ఎం వాళ్లకు ఇంటర్వ్యూ లు ఇచ్చిన విషయం తెలిసిందే. ఇప్పడు ఎఫ్ ఎం స్టేషన్ల లో సినిమాల యాప్ లు కూడా లాంచ్ చేస్తున్నారు. అయితే రేపు సాయంత్రం హైదరాబాద్ బంజారా హిల్స్ లోని రేడియో సిటీ 91.1 ఎఫ్.ఎం కి రవితేజ అండ్ బృందం బయల్దేరుతున్నట్టు తెలిసింది. అక్కడ కిక్ 2 కి సంబంధించిన యాప్ ను లాంచ్ చేయబోతున్నారు. మాస్ మహరాజా రవితేజ, దర్శకుడు సురేందర్ రెడ్డి తదితర బృందం ఈ కిక్ 2 కార్యక్రమంలో కిక్కివ్వడానికి రెడీ అవుతున్నారు. సాయంత్రం 5గంటలకి యాప్ రిలీజవుతుంది. ఈ కిక్ 2 యాప్ ను డౌన్ లోడ్ చేసుకుని పండగ చేసుకోవడమే తరువాయి. కిక్2 ఆగస్టు లో రిలీజ్ కు రెడీ అవుతోంది.
.jpg)
