‘కిల్లింగ్ వీరప్పన్’ ఆడియో నవంబర్ 2న

స్మగ్లర్‌ వీరప్పన్‌ గురించి పలు మార్లు పేపర్లలో కథలు కథలుగా చదివాం. అయితే  వీరప్పన్ చనిపోయిన తరువాత ఆ ప్రాంతానికి వెళ్ళి వీరప్పన్ గురించి పూర్తిగా తెలుసుకొని ఆయన జీవితచరిత్రను తెరకెక్కించే ప్రయత్నం చేస్తున్నాడు రామ్‌గోపాల్‌వర్మ. ఈ చిత్రానికి 'కిల్లింగ్‌ వీరప్పన్‌' అనే టైటిల్ ఎంచుకున్నారు. ఈ చిత్రం విడుదల చేసిన ట్రైలర్లకు రెస్పాన్స్ బాగా వచ్చింది. మళ్ళీ రాం గోపాల్ వర్మ మునుపటి సినిమాల్లా ఈ సినిమా ఉంటుందని భావిస్తున్నారు ఆడియన్స్. 
ఇక ఈ సినిమాకు సంబంధించిన ఆడియో ఆవిష్కరణ వేడుకను నవంబర్ 2న బెంగళూరులో జరపనున్నారు. రవిశంకర్, మున్నా కాశి, రాజశేఖర్‌లు సంగీతం సమకూర్చిన ఈ సినిమాలో మొత్తం మూడు పాటలున్నాయి. కన్నడ స్టార్స్ శివ రాజ్ కుమార్, పునీత్ రాజ్ కుమార్ తదితరులు ఈ కార్యక్రమానికి విచ్చేసి కిల్లింగ్ వీరప్పన్ పాటలను విడుదల చేయనున్నారు. ఇక అదే రోజు ఈ మూడు పాటలకు సంబంధించిన వీడియో సాంగ్స్ కూడా విడుదల కానున్నాయని వర్మ తెలిపారు. నవంబర్ నెలాఖర్లో తెలుగు, తమిళం, హిందీ, కన్నడ భాషల్లో ఒకేసారి పెద్ద ఎత్తున ఈ సినిమాను విడుదల చేసేందుకు వర్మ ప్లాన్ చేస్తున్నారు. కన్నడ హీరో శివరాజ్ కుమార్ పోలీస్ పాత్రలో కనిపించనున్నాడు. పరుల్ యాదవ్, యజ్ఞ శెట్టి హీరోయిన్స్ గా చేస్తున్నారు. ఢిల్లీకి చెందిన సందీప్ భరద్వాజ్ వీరప్పన్ పాత్ర పోషిస్తున్నాడు.