ఏ క్షణాన మహేష్ కొరటాల శివ చిత్ర షూటింగ్ ప్రారంభమయ్యిందో ఏమో గానీ దీనిపై రోజుకో గాసిప్ లు ఫిలింనగర్ లో చక్కర్లు కొడుతున్నాయి. ఈ చిత్రానికి మగాడు, మా అక్కబంగారం లాంటి టైటిల్ లు అనుకున్నట్లు వార్తలు వచ్చాయి. అంతేకాదు ఈ చిత్రం నుంచి శ్రుతిహాసన్ వాకౌట్ చేసిందని కూడా పుకారు రేగింది. ఇలా ఒక్కొ గాసిప్ తెరమీదకు వచ్చినప్పుడల్లా చిత్ర దర్శకుడు మీడియా ముందుకు వచ్చి తలపట్టుకొని మరీ వివరణ ఇచ్చుకోవాల్సి వస్తోంది. ఇక ఇప్పుడెమో చిత్రానికి శ్రీమంతుడు అనే టైటిల్ ఫిక్సయ్యిందనే వార్త తెలియవచ్చింది. మిర్చి లాంటి మాస్ టైటిల్ తో ప్రభాస్ క్రేజ్ ను బీభత్సంగా పెంచేసిన కొరటాల శివ ఇలాంటి క్లాస్ టైటిల్ ను పరిశీలిస్తాడా అన్నదా ఇప్పుడు పెద్ద చర్చనీయాంశమైంది. మహేష్ ఫ్యాన్స్ కూడా ఈ టైటిల్ పై పెదవివిరుస్తున్నారని సమాచారం. అసలు శ్రీమంతుడు టైటిల్‌లో ఎలాంటి పాజిటివ్‌ లక్షణాలు లేవనేది వారి కంప్లయింట్‌. ఈ టైటిల్‌ని కూడా కొరటాల కొడవలితో ఖండించేయాలని వారు ఆశగా చూస్తున్నారు. మరి ఈ గందరగొళానికి తెరదించాలంటే క్లారిటీ ఇవ్వాల్సింది దర్శకుడు కొరటాల శివే. అమ్మా కొరటాల నువ్వు మళ్లీ మీడియా ముందుకు రావాలమ్మా.
.jpg)
