టాలీవుడ్ లోకి యువ హీరోలు బాగానే చొచ్చుకువస్తున్నారు. తమ టాలెంట్ ను నిరూపించుకుని వరుసగా చిత్రాల్లో ఆఫర్లు చంపాదించేసుకుంటున్నారు. అందులో నాగశౌర్య, రాజ్ తరుణ్ లను చెప్పుకోవచ్చు. అయితే రాజ్ తరుణ్ హీరోగా సుకుమార్ సమర్పించిన ‘కుమారి 21 ఎఫ్’ అనే చిత్రం తెరమీదకు రాబోతోంది. దీని మొదటి ఫస్ట్ లుక్ వెరైటీగా చూపించారు. ఇప్పుడు విడుదల చేసిన ఫస్ట్ లుక్ కూడా వెరైటీగానే ఉంది కానీ మళ్ళీ దీనికి కాపీ మార్క్ ఫస్ట్ లుక్ అంటూ విమర్శలూ వచ్చేసాయి. నచ్చినప్పుడు వాడుకుంటే తప్పేమీ లేదు కదా... ఇదీ తప్పయితే... రీమేక్స్ కూడా చేయకూడదు కదా... ఆ ముచ్చట పక్కన పెడితే... ఈ చిత్రాన్ని ప్రముఖ దర్శకుడు సుకుమార్ సమర్పిస్తుండగా, నూతన దర్శకుడు సూర్యప్రతాప్‌ దర్శకత్వం వహిస్తున్నాడు. దేవిశ్రీ సంగీతం అందిస్తున్నారు. విడుదలైన ఫస్ట్ లుక్ ను సుకుమార్ తన ఫేస్ బుక్ పేజీలో షేర్ చేసారు. కాపీ చేసిన ఫస్ట్ లుక్ ఓ ఫ్రెంచ్ సింగర్ మ్యూజిక్ ఆల్బమ్ కవర్ పేజీ లోనిదట. విడుదలైన ఫస్ట్ లుక్ కార్యక్రమానికి హీరోహీరోయిన్లు రాజ్తరుణ్, హెబ్బాపటేల్‌, దర్శకుడు సూర్యప్రతాప్‌, సంగీత దర్శకుడు దేవిశ్రీప్రసాద్‌ లు విచ్చేశారు. దర్శకుడు సుకుమార్ తొలిసారిగా నిర్మాతగా మారి తెరకెక్కిస్తున్న చిత్రం మిది. నిర్మాతగా వ్యవహరించడంతో పాటు కథ, స్క్రీన్‌ప్లే, మాటలు కూడా ఆయనే అందించారు. ఈ చిత్రాన్ని దసరా కానుకగా విడుదల చేయడానికి సిద్ధమవుతున్నారు. రాజ్తరుణ్, హేభ పటేల్, నోయల్, నవీన్, సుదర్శన్ రెడ్డి, భాను, హేమ, కమల్, తాగుబోతు రమేష్, జోగిబ్రదర్స్ నటిస్తున్నారు. సినిమాటోగ్రఫీ: రత్నవేలు, నిర్మాతలు: విజయ్ ప్రసాద్ బండ్రెడ్డి, థామస్ రెడ్డి ఆదూరి.
.jpg)
