సనమ్ శెట్టి పేరే వినలేదు....? ఏకంగా మహేష్ బాబు సరసన నటించే అవకాశాన్ని దక్కించుకుంది. కానీ ఈ అమ్మడు తెలుగులో ఎంట్రీ ఇచ్చింది ఎవరికీ తెలియదు. దర్శకేంద్రుడు రాఘవేంద్రరావు దర్శకత్వంలో 'ఇంటింటా అన్నమయ్య' చిత్రంలో హీరోయిన్ గా నటించిందట. ఆ సినిమా విడుదలకు నోచుకోలేదు. కానీ తమిళం, మళయాళం సినిమాల్లో ఇప్పటికే ఎంట్రీ ఇచ్చి సక్సెస్ అయ్యింది. ఇప్పుడీ అమ్మడికి మరో గోల్డెన్ ఛాన్స్ వచ్చిపడింది. ఏకంగా ప్రిన్స్ మహేష్ బాబు చిత్రంలో హీరోయిన్ గా నటించే అవకాశం వచ్చింది. దర్శకుడు కొరటాల శివ చెప్పడం, అందుకు మహేష్ బాబు ఓకే చెప్పడం చకచక జరిగిపోయాయి. సాఫ్ట్ వేర్ ఇంజనీర్ గా యూకే లో జాబ్ చేసిన ఈ అమ్మడు రెండో సినిమా ఛాన్స్ తో ఆ జాబ్ కు రిజైన్ చేసి సినిమా అవకాశాల కోసం ఎదురు చూస్తోందట. ఇప్పుడు మహేష్ సరసన ఛాన్స్ రావడంతో ఆనందంతో ఉబ్బి తబ్బిబ్బు అవుతోంది. తాను తెలుగులో రెండు సార్లు లక్కీఛాన్స్ కొట్టేశానని సంబరపడుతోంది. మొదటి సారి మహేష్ బాబును కలిసినప్పుడు చాలా ఆందోళన పడ్డదట.... కానీ మహేష్ తో మాట్లాడిన తర్వాత ఆందోళన ఎగిరిపోయిందని చెపుతోంది. ఆయనతో పాటు సీనియర్ నటులు సుకన్య, జగపతి బాబులతో కలిసి నటించడం మరింత ఆనందంగా ఉందని చెపుతోంది. తనకీ ఇంత అద్రుష్టం దక్కుతుందని కలలో కూడా అనుకోలేదని అంటోంది సనమ్ శెట్టి.
.jpg)
