మణిరత్నం లవ్, రొమాంటిక్ సినిమాలంటే సినీ అభిమానుల్లో విపరీతమైన క్రేజ్ ఉంది. ఆయన తీసిన రోజా, సఖి, బాంబే, గీతాంజలి వంటి సినిమాల్లో హీరోహీరోయిన్లపై రొమాన్స్, కెమిస్ట్రీ అద్భుతంగా చిత్రీకరిస్తారు. ఆయన సినిమాలన్నీ యువతను చిలా ఇంప్రెస్ చేస్తాయనడంలో ఏ మాత్రం అతిశయోక్తి లేదు అయితే ఇప్పుడు మణిరత్నం దర్శకత్వంలో నిత్యామీనన్, దుల్కర్ సల్మాన్ హీరోహీరోయిన్లుగా నటిస్తున్న చిత్రం ‘ఓకే బంగారం’. తమిళంలో ఈ సినిమా ‘ఓకే కణ్మని’ టైటిల్ తో తీస్తున్న విషయం అందరికీ తెలిసిందే. ఈ చిత్రానికి ఏఆర్ రెహమాన్ సంగీతం అందిస్తున్నారు. ఈ సినిమా ఆడియోను ఏప్రిల్ 4న రిలీజ్ చేయడానికి సిద్ధమయ్యారు. అయితే ఇటీవలే విడుదలైన ఈ చిత్ర ట్రైలర్ కు అద్భుతంగా ఉందంటూ నెటిజన్ల నుంచి కామెంట్లు వినిపిస్తున్నాయి. ఇందులో నటించిన యువజంట కెమిస్ట్రీ చాలా అందంగా చూపించారంటూ, ఈ సీన్లు ఒకప్పటి గీతాంజలి, సఖి సినిమాలను గుర్తు చేస్తున్నాయంటూ కామెంట్లు వినిపిస్తున్నాయి. మణిరత్నం మరో బ్యూటీఫుల్ ప్రేమ జంటను మనముందు ఆవిష్కరించబోతున్నారు. ఈ చిత్రంలోని ‘మెంటల్ మదిలో’ అనే పాటను ఇటీవలే విడుదల చేసారు. అయితే తాజాగా ‘ఏయ్ అమాయికా...’ అనే పాటన టీజర్ ను విడుదల చేసారు. ఈ పాటలో నిత్యా, సల్మాన్ ల కెమిస్ట్రీ మైండ్ బ్లోయింగ్. నిత్య ఈ విధంగా కనిపించడం ఇది మొదాటి సినిమా అవుతుందనుకుంటా... తెలుగులో ఈ చిత్రాన్ని నిర్మాత దిల్ రాజు విడుదల చేయబోతున్నారు. ఏప్రిల్ 14న ఈ సినిమాను తెలుగు, తమిళంలో ఒకేసారిగా రిలీజ్ చేయడానికి సన్నాహాలు చేస్తున్నారు.
.jpg)
