నాగ్, కార్తీల రెగ్యులర్ షూటింగ్ నేటి నుంచే...

నాగార్జున, కార్తీ హీరోలుగా సూపర్‌హిట్‌ చిత్రాల నిర్మాణ సంస్థ పి.వి.పి. పతాకంపై వంశీపైడిపల్లి కాంబినేషనేషన్‌లో ప్రసాద్‌.వి.పొట్లూరి ప్రొడక్షన్‌ నెం.9గా నిర్మిస్తున్న మల్టీస్టారర్‌ మూవీ రెగ్యులర్‌ షూటింగ్‌ ఈ మార్చి 16 నుండిచెన్నైలో ప్రారంభం కానుంది. మార్చి 16 నుంచి రెగ్యులర్‌ షూటింగ్‌ జరుపుకునే చెన్నైలతోపాటు, హైదరాబాద్‌, విదేశాలలో కూడా ఈ చిత్రం షూటింగ్‌ జరుగుతుంది. తెలుగు, తమిళ భాషల్లో రూపొందనున్న ఈ సినిమా తమిళ వెర్షన్‌కి సంబంధించిన పూజా కార్యక్రమాలు చెన్నెలో జరిగాయి. ఈ కార్యక్రమంలో వినయ్‌, రాజీవ్‌ కామినేని, వి.ఆర్‌.ఆరసు, పి.వి.పి.ప్రతినిధి కణ్ణన్‌, ఫోర్‌ ఫ్రేమ్స్‌ కళ్యాణ్‌, సీనియర్‌ యాక్టర్‌ శివకుమార్‌, సీనియర్‌ నటి జయసుధ, వంశీపైడిపల్లి, నటుడు మనోబాల, మ్యూజిక్‌ డైర్టెర్‌ గోపిసుందర్‌ సహా చిత్రయూనిట్‌ సభ్యులు పాల్గొన్నారు. తొలి సన్నివేశానికి సీనియర్‌ యాక్టర్‌ శివకుమార్‌ క్లాప్‌ కొట్టారు. నాగార్జున, కార్తీ నటిస్తున్న ఈ చిత్రంలో శృతిహాసన్‌ హీరోయిన్‌గా నటిస్తుంది. ఈ చిత్రంలో మరో హీరోయిన్‌ను ఎంపిక చేయాల్సి ఉంది. చాలా కాలం తర్వాత సీనియర్‌ నటి జయసుధ తమిళంలో నటిస్తుండటం విశేషం. ఇంకా చాలా మంది ప్రముఖ నటీనటులు ఇతర పాత్రలు పోషిస్తారు. ‘మనం’లాంటి సూపర్‌హిట్‌ చిత్రానికి సినిమాటోగ్రఫీ అందించిన పి.ఎస్‌.వినోద్‌ ఈ చిత్రానికి కూడా ఫోటోగ్రఫీ చేస్తున్నారు.ఈ చిత్రానికి సంగీతం: గోపిసుందర్‌, సినిమాటోగ్రఫీ: పి.ఎస్‌.వినోద్‌, మాటలు: అబ్బూరి రవి, కథ: వంశీ పైడిపల్లి, హరి, సాల్మన్‌, ఎడిటింగ్‌: శ్రీకరప్రసాద్‌,ప్రొడక్షన్‌ డిజైనర్‌: సునీల్‌బాబు, నిర్మాత: ప్రసాద్‌ వి.పొట్లూరి, స్క్రీన్‌ప్లే`దర్శకత్వం: వంశీ పైడిపల్లి.