స్టార్ హీరోలు నాగార్జున-కార్తీల కాంబినేషన్ లో వంశీ పైడిపల్లి దర్శకత్వంలో వస్తున్న చిత్రం టైటిల్ ‘ఊపిరి’గా నిర్ణయించినట్టు ఇంతకుముందే వార్తలో వచ్చింది. ఈ చిత్రంలో తమన్నా హీరోయిన్ గా నటిస్తోంది ఓ ప్రధాన పాత్రలో అనుష్క కూడా నటిస్తున్నట్టు, అనుష్క ఈ మధ్యనే షూటింగ్ లో పాల్గొంటున్న విషయం కూడా వార్తల్లో వచ్చింది. అయితే ఈ చిత్రానికి సంబంధించిన మోషన్ పోస్టర్ ను ఈ రోజు రిలీజ్ చేశారు. ఈ చిత్రాన్ని ప్రముఖ నిర్మాణ సంస్థ పి.వి.పి. బ్యానర్‌పై రూపొందిస్తున్నారు. ఈ చిత్రం పోస్టర్ విడుదల సందర్బంగా నాగార్జున ‘లైఫ్ కు సంబంధించి ఓ అందమైన చిత్రం ఊపిరి’ అని ట్వీట్ చేశారు. పోస్టర్లు చూస్తుంటే ఎందుకో నాగార్జున నటించిన చంద్రలేఖ సినిమా గుర్తుకు వస్తుంది. అది కూడా కామెడీ ఎమోనల్ ఎంటర్ టైనర్. అందులో రమ్యకృష్ణ వీల్ ఛైర్ లో కూర్చుంటే ఇందులో నాగార్జున కూర్చున్నారు.
ఇందులో కార్తీ తొలిసారిగా డైరెక్ట్ మూవీ చేస్తున్నారు. ఈ చిత్రం కథ ఓ ఫ్రెంచ్ సూపర్ హిట్ ఆధారంగా రూపొందించిందిగా చెపుతున్నారు. 2011 లో వచ్చిన ది ఇన్టచబుల్స్ ఆధారంగా ఈ చిత్రం ప్లాన్ చేస్తున్నారని వార్తలు వినిపిస్తున్నాయి. ఇది కామెడీ పండించే సినిమాగా ఊహించవచ్చు. మరి ఇది ఫ్రెంచ్ సినిమాకు కాపీనా కాదా అనేది సినిమా రిలీజ్ అయితే గానీ తెలియదు. ఈ చిత్రానికి సంగీతం: గోపి సుందర్‌, ఛాయాగ్రహణం: పి.ఎస్‌.వినోద్‌, మాటలు: అబ్బూరి రవి, కూర్పు: శ్రీకర ప్రసాద్‌.
.jpg)
