నారా రోహిత్ ‘సావిత్రి’ ఫస్ట్ లుక్ విడుదల

విభిన్న కథలతో మొదటి చిత్రం నుంచీ ఆడియన్స్ ను మెప్పిస్తూ వస్తున్నాడు నారా రోహిత్. సినిమాలను ఎంచుకోవడంలో ఈ హీరో పంథానే వేరు. కథలోనూ డైరెక్షన్ లోనూ పూర్తిగా ఇన్వాల్వ్ అయిపోయి సినిమా హిట్ కోసం ప్రయత్నించే హీరో నారా రోహిత్. అసురతో నిర్మాతగా కూడా మారిపోయాడు. ఆ తరువాత మరి రెండు చిత్రాలు తన సొంత నిర్మాణంలో ‘అప్పట్లో ఒకడుండేవాడు’ ,  ‘పండగలా వచ్చాడు’ విడుదలకు సిద్ధమయ్యాయి. ఆ సినిమాలు విడుదల కాకుండానే మళ్ళీ మరో కొత్త చిత్రానికి రెడీ అయ్యాడు నారా రోహిత్. ఇప్పుడు ఆయన  ‘సావిత్రి’ అనే చిత్రం నటిస్తున్నాడు.. ‘ప్రేమ ఇష్క్ కాదల్’ సినిమాతో దర్శకుడిగా మంచి పేరును సొంతం చేసుకున్న దర్శకుడు పవన్ సాధినేని దర్శకత్వంలో తెరకెక్కనున్న ఈ చిత్రాన్ని విజన్ ఫిల్మ్ మేకర్స్ బ్యానర్ పై బి.రాజేంద్ర ప్రసాద్ నిర్మిస్తున్నాడు. ఇటీవలే ఈ చిత్ర ఫస్ట్ లుక్ పోస్టర్ ను విడుదల చేసారు. ఇప్పటికే ప్రీ ప్రొడక్షన్ కార్యక్రమాలు చివరి దశకు చేరుకున్నాయి. రెగ్యులర్ షూటింగ్ సెప్టెంబర్ నుంచి ప్రారంభం కానుంది. ఈ చిత్రానికి కృష్ణ చైతన్య డైలాగ్స్, శ్రవణ్ సంగీతం, కార్తీక్ ఘట్టమనేని సినిమాటోగ్రఫిని అందించనున్నారు. హీరోయిన్, నటీనటులు, సాంకేతిక నిపుణుల వివరాలు త్వరలోనే అధికారికంగా ప్రకటించనున్నారు. అలాగే నారా రోహిత్ హీరోగా నటిస్తున్న ‘అప్పట్లో ఒకడుండేవాడు’ చిత్రం విడుదలకు సిద్ధమవుతోంది. అదే విధంగా ‘పండగలా వచ్చాడు’ చిత్రాన్ని కూడా త్వరలోనే ప్రేక్షకుల ముందుకు తీసుకురావడానికి నారా రోహిత్ సన్నాహాలు చేస్తున్నారు. త్వరలోనే అన్ని వివరాలు అధికారికంగా తెలియనున్నాయి.