‘చిత్ర’మేమోగానీ గాసిప్ లే గాసిప్ లు. ఏ క్షణాన షూటింగ్ మొదలైందోగానీ టైటిల్ దగ్గరున్నుంచి ప్రతీ విషయంలోనూ పుకార్ల మీద పుకార్లు పుట్టిస్తూనే ఉన్నారు. ప్రిన్స్ మహేష్‌బాబు కొరటాల శివ కాంబోలో తెరకెక్కుతున్న సినిమా టైటిల్ తోపాటు ఫస్ట్ లుక్ ని (శ్రీమంతుడుని అనుకుంటున్నారు) డిసెంబర్‌ 31 అర్ధరాత్రి వెలువరుస్తారనే వార్త వెలువడింది. అంతేకాదు ఈ సినిమాకు ‘శ్రీమంతుడు’ అనే టైటిల్ ఖరారు చేసినట్టు ప్రచారం కూడా జరుగుతోంది. దీనిపై దర్శకుడు కొరటాల స్పందించాడు. న్యూ ఇయర్ రోజున ఫస్ట్ లుక్ లాంటి ఆలోచన ఏం చేయట్లేదని, చిత్రం కోసం రేయింబవళ్లు కష్టపడుతున్నట్లు చెప్పాడు. ‘అలాంటిదేమైనా ఉంటే ముందే చెప్పి చేస్తాం కదా. అసలు ఈ పుకార్లు ఎవరూ లేపుతున్నారో అర్థం కావటం లేదు’ అంటూ కాస్తా ఘాటుగానే స్పందించారు. ఇదంతా క్రేజ్ పెంచే ప్రయత్నంలో భాగంగానే ఎవరైనా కావాలనే చేస్తున్నారా అన్న కోణంలో కూడా అనుమానాలు కలుగుతున్నాయి. ఇకనైనా ఈ గాసిప్ లు ఆపండ్రా నాయనా అంటూ కొరటాల కొరుతున్నాడు. ఏదేమైనా కొత్త సంవత్సరం కానుకగా మహేష్ న్యూ లుక్ చూద్దామనుకున్న ఫ్యాన్స్ ఆశలకు గండికొట్టినట్లయ్యింది. ఇక ఈ సినిమా మూడవ షెడ్యూల్‌ డిసెంబర్‌ 28 నుండి ప్రారంభం కానుంది.
.jpg)
