పీకు మరో ట్రైలరూ అదిరింది....

పీకు మొదటి ట్రైలర్ చూసిన నెటిజన్ల లో ఈ సినిమాపై ఆసక్తి బాగా పెంచేసుకున్నారు. బాలీవుడ్ స్టార్ బిగ్ బీ ని హీరోగా చూసిన అభిమానులే, ఇప్పుడు ఇలా తెల్లజుట్టూ గడ్డం వేసుకుని తెరమీదకు వచ్చినా బిగ్ బీ పై ఒకప్పటి అభిమానమే ప్రదర్శిస్తున్నారు. ఈ సినిమాలో దీపిక తండ్రిగా ముఖ్యమైన పాత్రనే పోషిస్తున్నాడు. ఫస్ట్ ట్రైలర్ చాలా ప్రశంసలు అందుకుంది. ఇక ఈ రెండవది కూడా అదిరిపోయేలా ఉందనే టాక్ నెటిజన్ల నుంచి అందుకుంది. చిత్రంలోని మొదటి పాట అట ఇది. ఈ పాటలో అమితాబ్ బచన్, దీపికా పడుకొనే, నటుడు ఇర్ఫాన్ ఖాన్‌లు ఢిల్లీ నుంచి కోల్‌కతాకు ప్రయాణిస్తుంటారు. అనుపమ్ రాయ్, శ్రేయ గోశాల్ ఈ పాట ఆలపించారు. తండ్రీ కూతుళ్ల చుట్టూ తిరిగే కథ ఇది. ఫామిలీ డ్రామా అంటే పడి చచ్చే వారికి ఈ సినిమా బాగా నచ్చుతుంది. అందులో అభిమాన హీరో హీరోయిన్లు, వీరికి తోడు పాత్రలో చక్కగా ఇమిడిపోయే ఇర్ఫాన్ ఖాన్. సూజిత్ సర్కార్ రూపొందిస్తున్న ఈ సినిమా ట్రైటర్లలో ముఖ్యంగా ఈ ముగ్గురే కనిపించడం విశేషం. తక్కువ పాత్రలతో, చక్కని కథాంశంతో ఇంతకు ముందు వచ్చిన ఎన్నో సినిమాలు చాటా హిట్టయిన సంగతి అందరికీ తెలిసిందే. ఈ కథ కూడా అలాంటిదే అయి ఉండవచ్చునని అనుకుంటున్నారు. ఏది ఏమైనా అందరిలోనూ క్యూరియాసిటీని క్రియేట్ చేసిన ఈ సినిమా ట్రైలర్లు, సినిమా థియేటర్ వరకూ అందరినీ నడిపించ గలుగుతున్నాయనడంలో సందేహమే లేదు.