మహేంద్ర ‘బాహుబలిని’ బాగానే వాడుకుంటున్నారు

బాహుబలి ఆ సినిమా మేకర్స్ ని బాగా లాభపడేలా చేసింది. ఓవరాల్ గా కోట్లకు కోట్లు లాభాలను తెచ్చి పెట్టింది. ఈ సినిమాను అడ్డు పెట్టుకొని మరికొంత బిజినెస్ చేసే వాళ్ళ సంఖ్యా బాగానే పెరిగిపోతోంది. ఈ సినిమాలో నటించిన వారందరినీ ఉపయోగించుకుని బిజినెస్ చేసుకునే ప్లాన్లలో చాలా కంపెనీలు పోటీ పడుతున్నాయి. బాహుబలితో ప్రభాస్ ఇండియా మొత్తంలో క్రేజీ స్టార్ అయ్యాడు. ఇప్పుడు కార్పొరేట్ కంపెనీల దృష్టి బాహుబలి(ప్రభాస్)పై పడింది. ఇరవై రోజుల కిందట ఆయన ఓ భారీ యాడ్ కాంట్రాక్టు చేసుకున్న సంగతి పాఠకులకు తెలిసిన విషయమే. ఇప్పుడు ఆ యాడ్ తాలూకు ఫస్ట్ లుక్ బయటికి వచ్చింది. ఎక్కడ చూసినా దీని ఫస్ట్ లుక్ కు సంబంధించిన చర్చలు బాగా జరుగుతున్నాయి. అంటే బాహుబలి ప్రభావం దీనిపై బాగానే పనిచేస్తుందన్నమాట. ఇప్పుడిక ప్రభాస్ కూడా ప్రచార ప్రకటనల్లో అదరగొడతాడన్నమాట. ఈ ప్రకటనలో ప్రభాస్ స్టైలిష్ లుక్ ఆయన అభిమానులకు ఆనందంతో ఉక్కిరి బిక్కిరి చేస్తోందట. తమ అభిమాన హీరో ఓ క్రేజీ కొర్పరేట్ కంపెనీ యాడ్ లో కనిపించడంతో వీరు మరింత ఖుషీ ఖుషీగా ఉన్నారు.  ప్రభాస్ ను, బాహుబలి టైటిల్ ను ఈ కంపెనీవారు బాగా ఉపయోగించుకుంటున్నారు. మహీంద్రా టీయూవీ 300 వాహనానికి ప్రభాస్ ప్రచారకర్తగా వ్యవహరిస్తున్నారు. టీయూవీ 300 కారు ప్రచార ప్రకటన కోసం ఆయన షూటింగులో కూడా పాల్గొన్నట్టు తెలుస్తోంది.  త్వరలో ఈ ప్రకటన ప్రజల ముంగిటకు రాబోతున్నట్టు వార్తలు వినిపిస్తున్నాయి.