మెగా పవర్ స్టార్ మూవీ మొదలైంది

మెగా పవర్ స్టార్ 'రామ్ చరణ్', సూపర్ డైరెక్టర్ 'శ్రీను వైట్ల'ల కాంబినేషన్ లో ప్రముఖ నిర్మాత దానయ్య డి.వి.వి. నిర్మిస్తున్న భారీ ప్రతిష్టాత్మక చిత్రం గురువారం (మార్చి 5) ఉదయం నిర్మాణ సంస్థ కార్యాలయంలో వైభవంగా ప్రారంభమైంది. ఈ కార్యక్రమానికి మెగాస్టార్ చిరంజీవి దంపతులు, సెన్సేషనల్ డైరెక్టర్ వి.వి.వినాయక్ ముఖ్య అతిథులుగా హాజరయ్యారు. ముహర్తపు సన్నివేశంగా దేవుని ఫోటోలపై చిరంజీవి సతీమణి సురేఖ క్లాప్ ఇవ్వగా, దర్శకుడు వి.వి.వినాయక్ కెమెరా స్విచ్ ఆన్ చేసారు. ఈ సందర్భంగా దర్శకుడు శ్రీను వైట్ల మాట్లాడుతూ " చాలా గ్యాప్ తర్వాత రచయితలు కోన-మోహన్ కాంబినేషన్ చిత్రం రూపొందించటం ఎంతో సంతోషంగా ఉందన్నారు. నిర్మాత దానయ్య ఎక్కడా కాంప్రమైజ్ కాకుండా చిత్రాన్ని తెరకెక్కించేందుకు ముందుకు వచ్చారని తెలిపారు. ఇక నిర్మాత దానయ్య డి.వి.వి. మాట్లాడుతూ " నాయక్ తర్వాత తిరిగి రామ్ చరణ్ తో సినిమా చెయ్యటం ఎంతో సంతోషంగా ఉందన్నారు. "శ్రీను వైట్ల, కోన వెంకట్, గోపి మోహన్ త్రయం కలిసి ఈ సినిమాకి అద్భుతమైన స్రిప్ట్ ఇచ్చారని అన్నారు. 'ఫ్యామిలి ఎంటర్టైనర్ విత్ యాక్షన్ నేపథ్యంగా ఈ చిత్రం తెరకెక్కుతున్నట్లు ఆయన తెలిపారు. ఇందులో చరణ్ కు జోడీగా రకుల్ ప్రీత్ సింగ్ ను ఇప్పటికే ఎంపిక చేయగా, మిగతా తారగణం ఎంపిక చేయాల్సి ఉంది. ఇక హీరో హీరోయిన్ల మధ్య చిత్రీకరించే సన్నివేశాలతో ఈ నెల 16 రెగ్యులర్ షూటింగ్ ప్రారంభమౌతున్నట్లు తెలుస్తోంది. దసరా సందర్భంగా అక్టోబర్ 15న ఈ చిత్రాన్ని విడుదల చేసేందుకు సన్నాహాలు చేస్తున్నారు.