వర్మ తీస్తున్న తాజా చిత్రం షూటింగ్ కోసం ఈయన తన తారలతో పోలాండ్ పయనమయ్యారని ఓ వార్త. అది కూడా ఆరేళ్ల తర్వాత ఇంత హఠాత్తుగా పయనం అవ్వడంతో ఈ సంచలన దర్శకుడి పయనం సామాన్య జనాల్లో ఓ సంచలనంగా మారింది. అయితే ఆయన వెళ్లింది తన వ్యక్తిగత అవసరాల కోసం కాదని ఈ పాటికీ మీకు అర్థమయ్యే ఉంటుంది. ఆయన ఎఫైర్ కోసం షూటింగ్ నిమిత్తం యూనిట్ తో కలిసి వెళ్ళాడట. ప్రస్తుతం వర్మ అరడజనుకుపైగా సినిమా షూటింగులతో ఫుల్ బిజీగా కాలం గడుపుతున్నారు. ఆయన తీస్తున్న మూవీల్లో ఒకటైన ‘ఎఫైర్’ రొమాంటిక్ థ్రిల్లర్ గా తెరకెక్కుతున్నదట. ఈ మూవీలో సచిన్ జోషి, మీరా చోప్రా హీరోహీరోయిన్లుగా నటిస్తున్నారు. ఇప్పటికే ఈ మూవీకి సంబంధించి మేజర్ పోర్షన్ షూటింగ్ కంప్లీట్ అయింది. రెండు మూడు పాటలతోపాటు మరికొన్ని కీలక సన్నివేశాలు మాత్రమే షూట్ చేయాల్సి వుంది. ఆ సీన్లను కంప్లీట్ చేయడం కోసమే ఈ చిత్రం యూనిట్ పొలాండ్ కి పయనమైంది. ఈ నేపథ్యంలోనే హీరో సచిన్ తాను, వర్మ, మీరా ముగ్గురు కలిసి వున్న సెల్ఫీ ఫోటోను అప్ లోడ్ చేశాడు. 2009లో ‘అడివి’ మూవీ షూటింగ్ నేపథ్యంలో రాంగోపాల్ వర్మ విదేశాలకు వెళ్లారు. నితిన్, నిషా కొఠారి ప్రధాన పాత్రల్లో నటించిన ఈ మూవీ షూటింగ్ శ్రీలంకలోని ఓ అడవి ప్రాంతంలో జరిగింది. ఇక అప్పటినుంచి వర్మ ఎప్పుడూ విదేశాలకు వెళ్లలేదు.
.jpg)
