చెర్రీ బెంగుళూరు నుంచి భాగ్య‌న‌గ‌రానికి

నిన్న‌మొన్న‌టిదాకా బెంగుళూరులో సేద‌దీరిన రామ్ చ‌ర‌ణ్ తాజాగా హైద‌రాబాద్‌కు షిష్ట్ అయ్యాడు. శ్రీనువైట్ల సినిమా మార్చి 16 నుంచి హైద‌రాబాద్‌లో షూటింగ్ జ‌రుపుకుంటోంది.   దానయ్య డి.వి.వి. 'డి.వి.వి. ఎంటర్టైన్మెంట్స్ ఎల్ ఎల్ పి.' పతాకం పై నిర్మిస్తున్నారు. శ్రీమతి డి. పార్వతి సమర్పిస్తున్నారు. ద‌ర్శ‌కుడు శ్రీను వైట్ల మాట్లాడుతూ " ఫ్యామిలి ఎంటర్టైనర్ విత్ యాక్షన్ 'కథా చిత్రం గా ఈ చిత్రాన్ని రూపొందిస్తున్నాం.  నిర్మాత దానయ్య డి.వి.వి. గారు ఈ చిత్రాన్ని  ఎక్కడా రాజీ పడకుండా నిర్మిస్తున్నారు. మంచి సాంకేతిక నిపుణులతో,  అద్భుతమైన తారాగణంతో రూపొందుతున్న ఈ చిత్రం ఘన విజయం సాధిస్తుంది" అన్నారు. నిర్మాత దానయ్య డి.వి.వి. మాట్లాడుతూ ``నేటి నుంచి హైదరాబాద్లో చిత్రం రెగ్యులర్ షూటింగ్ ప్రారంభమైంది.. ప్రధాన తారాగణం అంతా పాల్గొంటున్నారు. నాయక్ తర్వాత మెగా పవర్ స్టార్ రామ్ చరణ్ తో ఈ సినిమా నిర్మించటం ఎంతో ఆనందంగా ఉంది. భారీ తారాగణం తో పాటు, అత్యున్నత సాంకేతిక విలువలతో ఈ చిత్రం ముస్తాబౌతుందని అన్నారు. అక్టోబర్ 15న చిత్రం విడుదల అయ్యే దిశగా చిత్ర నిర్మాణ కార్యక్రమాలు   జరుగుతున్నాయి`` అని నిర్మాత దానయ్య డి.వి.వి. తెలిపారు.  ఈ చిత్రానికి కథ : కోన వెంకట్, గోపి మోహన్, మాటలు: కోన వెంకట్, రచనా సహకారం: ఉపేంద్ర మాధవ్ , ప్రవీణ్, లైన్ ప్రొడ్యూసర్ : కృష్ణ ,  ఎగ్జిక్యూటివ్  ప్రొడ్యూసర్: వి. వై. ప్రవీణ్ కుమార్, సమర్పణ : డి. పార్వతి, నిర్మాత : దానయ్య డి.వి.వి, మూలకథ - స్క్రీన్ ప్లే - దర్శకత్వం : శ్రీను వైట్ల