తెలుగు సినిమా సెలెబ్రిటీలు ఎంతో మంది ఉన్నారు వారందరూ అందరికీ తెలుస్తారనే గ్యారెంటీ ఏమీ లేదు కానీ మాటలు ఇప్పుడిప్పుడే నేర్చుకుంటున్న పిల్లకాలు కూడా ఎరిగిన వ్యక్తి ఎవరంటే... సుమ. బుల్లి తెర యాంకరే కాదు, సినిమా వేడుకలకూ ఈవిడే యాంకర్ కావడం విశేషం. సుమ తెలుగులో బుల్లితెరపై సరికొత్త రికార్డులు క్రియేట్ చేసింది. ఈటీవీ స్టార్ మహిళ కార్యక్రమం ద్వారా ఆమె దేశంలోనే అత్యధిక గేమ్ షో ఎపిసోడ్‌లకు యాంకరింగ్ చేసిన ఘనత సొంతం చేసుకున్నారు. దీంతో ఆమె లిమ్కా బుక్ ఆఫ్ రికార్డుల్లోకి ఎక్కేసింది. ఈ సందర్భంగా లిమ్కా బుక్ ఆఫ్ రికార్డ్స్ వారు జారీ చేసిన సర్టిఫికేట్‌ను ఈనాడు పత్రిక అధినేత రామోజీరావు ఆమెకు ఓ కార్యక్రమంలో అందజేశారు. రామోజీ ఫిల్మ్‌ సిటీలో జరిగిన ఈ కార్యక్రమంలో ఆయన మాట్లాడుతూ ఆయన సుమను పొగడ్తలతో ముంచేశారు. చక్కటి భాష మాట్లాడుతూ, మంచి సమయస్ఫూర్తి కలిగిన సుమను ఆయన ‘తెలుగు భారతిగా’ అభివర్ణించారు. ఈ కార్యక్రమంలో ఈటీవీ సీఈవో కె.బాపినీడు, మల్లెమాల ఎంటర్‌టైనర్స్ అధినేత శ్యాం ప్రసాద్ రెడ్డి, ఈటీవీ చీఫ్ ప్రొడ్యుసర్ అజయ్‌శాంతి, ఏవీ రావు పాల్గొన్నారు.
.jpg)
