రాశి పని అప్పుడే అయిపోయిందా?

ఊహలు గుసగుసలాడేతో టాలీవుడ్ లోకి ఎంట్రీ ఇచ్చి కుర్రకారు మతి పోగొట్టింది బబ్లీ బ్యూటీ రాశిఖన్నా. చిన్న సినిమాగా వచ్చి మంచి కలెక్షన్ లు రాబట్టిందా చిత్రం.  ఆ సినిమాలో క్యూట్ యాక్టింగ్ తో ఇక తెలుగులో సినిమాలో తదుపరి స్టార్ రాశియే అని ఫిక్సయ్యారంతా. కానీ, పరిస్థితులు ఎప్పుడూ ఒకేలా ఉండవు కదా. నిజానికి ఆ ఒక్క సినిమాలో తప్పించి ఆ తర్వాత వచ్చిన ఏ చిత్రంలోనూ రాశి యాక్టింగ్ ఫెర్ ఫార్మెన్స్ చూపలేదు. జోరు, జిల్, శివమ్, ఇలా వచ్చినవి వచ్చినట్లు పోయాయి. దీంతో ఈ అమ్మడిపై ఐరెన్ లెగ్ మార్క్ కూడా పడిపోయింది.

                                    సాధారణంగా ఇండస్ట్రీకి వచ్చిన కుర్రహీరోయిన్లు ముందు చిన్న చిన్న హీరోలతో చేసి ఆపై కెరీర్ ముగుస్తుందన్న టైంలో సీనియర్లతో చేయటం ఆనవాయితీగా వస్తుంది. కానీ, ఈ అమ్మడి విషయంలోనే అది కాస్త రివర్స్ అవుతుంది. యూత్ ను ఆకట్టుకునే అందం, ఎక్స్ పోజింగ్ లు ఉన్నప్పటికీ యాక్టింగ్ లో తడబడటం ఈ  భామకు ఉన్న మైనస్ లు. అంతేకాదు సీనియర్ హీరోలతో కూడా జతకట్టేందుకు ముందుకు వస్తుండటంతో ఇక రాశికి ఫుల్ స్టాప్ పడుతుందేమోనని సినీ విశ్లేషకులు అభిప్రాయపడుతున్నారు. బెంగాల్ టైగర్ లో రవితేజ సరసన ఇప్పటికే నటించగా, త్వరలో మారుతి దర్శకత్వంలో వెంకటేష్ సరసన ఈ ముద్దుగుమ్మ నటించబోతుందన్న వార్తలు వస్తున్నాయి. చూస్తుంటే రాశి కెరీర్ పని అయిపోయనట్లే కనిపిస్తోందని వారంటున్నారు. అయితే అదే సమయంలో సాయిధరమ్ తో సుప్రీం చిత్రంలో జతకట్టడంతో, గోపీచంద్ తో మరో అవకాశం రావటంతో ఇండస్ట్రీలో ఆశలు చావలేదని కూడా చెపుతున్నారు. వీటిలో ఏ ఒక్కటి హిట్ పడ్డా చాలు రాశికి ఆఫర్ల వెల్లువ రావటానికి.