మాస్ మహరాజా రవితేజ త్వరలో కిక్-2 చిత్రం ద్వారా ప్రేక్షకుల ముందుకు వస్తున్న సంగతి తెలిసిందే. ఇందులో రవితేజా ఆడియన్స్ కు డబుల్ కిక్ ఇచ్చే రేంజ్ లో నటించడానికి చాలా ప్రయత్నాలు చేస్తున్నట్టు తెలుస్తోంది. ఇటీవల వచ్చిన ఐ సినిమాలో విక్రమ్ చేసిన సాహసం వంద కేజీలు పెరగడం, మళ్ళీ 50 కేజీలకు తగ్గడం వంటి ట్రెండ్ ను తను కూడా కొంచెం ఫాలో అయిపోతున్నాడు. ఈ చిత్రంలో తండ్రీ కొడుకులుగా డ్యుయెల్ రోల్ లో నటిస్తున్నాడు రవి తేజ. దీని కోసం కొడుకుగా యంగ్ గా కనిపించడానికి దాదాపు 6 కేజీల బరువు తగ్గుతున్నాడట. అందుకోసం ఆహారంలో చాలా మార్పులు చేసుకోవడమే కాకుండా కఠినమైన ఎక్సర్ సైజ్ కూడా చేస్తున్నానని రవి తేజా చెప్పాడట. అయితే ఈ మధ్య పలు ప్రెస్ మీట్లలో కనిపించిన రవితేజ మరీ సన్నబడి కనిపించడంతో కొందరు భయపడిపోయారట. ఎందుకంటే ఈ మధ్య జరుగుతున్న పరిణామాలు అలా కనిపిస్తున్నాయి కాబట్టి. అయితే ఎలాంటి ఆందోళన అవసరం లేదని, సినిమా పాత్రకు ఇలా సన్నబడాల్సి వచ్చిందని చెబుతున్నారు యూనిట్ సభ్యులు. అయితే రవి తేజా డబుల్ కిక్ తో ప్రేక్షకులకు బాగా కిక్ ఇవ్వబోతున్నాడన్నమాట.
.jpg)
