బెంగాల్ టైగర్ టీం యూరప్ పయనం

మొన్నటి వరకూ కిక్ 2, బెంగాల్ టైగర్ సినిమాలతో బిజీ బిజీగా ఉన్న రవి తేజ ఇప్పుడు బెంగాల్ టైగర్ పూర్తి చేయడానికి షూటింగ్ ను చకచకా ముందుకు నడిపిస్తున్నాడు. సంపత్ నంది దర్శకత్వంలో వస్తున్న ఈ చిత్రంలో అందాల భామ తమన్నా హీరోయిన్. ఈ చిత్రాన్ని ఏమైంది ఈవేళ, అధినేత, ప్యార్ మే పడిపోయానే వంటి ప్రేక్షకాదరణ పొందిన చిత్రాల్ని అందించిన నిర్మాత కె కె రాధామోహన్ శ్రీ సత్యసాయి ఆర్ట్స్ బ్యానర్లో నిర్మిస్తున్నారు.
ఈ సందర్భంగా ఆయన మాట్లాడుతూ... ‘‘బెంగాల్ టైగర్ చిత్ర షూటింగ్ ఎటువంటి ఆటంకాలు లేకుండా జరుగుతోంది. బెంగాల్ టైగర్ ఫస్ట్ లుక్ కి సూపర్ రెస్పాన్స్ వచ్చింది. భారీ వ్యయంతో ఈ చిత్రాన్ని నిర్మిస్తున్నాం. సంపత్ నంది అన్ని వర్గాల ప్రేక్షకుల్ని ఆకట్టుకునే చిత్రంగా మలుస్తున్నారు. ఈనెల 8నుంచి యూరప్ లో షూటింగ్ చేయబోతున్నాం. చిత్ర ప్రధాన తారాగణం యూరప్ షూటింగ్ లో పాల్గొంటారు. యూరప్ షూటింగ్ తో బెంగాల్ టైగర్ చిత్రీకరణ పూర్తవుతుంది. త్వరలోనే ఆడియో, రిలీజ్ డేట్స్ ప్రకటిస్తాం’’ అని అన్నారు.
దర్శకుడు సంపత్‌నంది మాట్లాడుతూ... ‘‘మాస్ మహరాజ్ రవితేజతో సినిమా చేయాలన్న తన కోరిక ఈ సినిమాతో తీరుతున్నందుకు చాలా ఆనందంగా ఉంది. రవితేజ గారి పెర్ ఫార్మెన్స్ హైలైట్ గా ఉంటుంది. బెంగాల్ టైగర్ ఫస్ట్ లుక్ కి రెస్పాన్స్ సూపర్ గా వచ్చింది. ఈ రెస్పాన్స్ మాకు మంచి ఎనర్జీ ఇచ్చింది. ఈనెల 8 నుంచి యూరప్ షూటింగ్ కి ప్లాన్ చేశాం. అక్కడి అందమైన లొకేషన్స్ లో చిత్రీకరించబోతున్నాం. తమన్ మంచి మ్యూజిక్ అందించారు’’ అన్నారు.