మొదటి సినిమా బద్రితోనే పవన్, రేణుదేశాయ్ లకు మధ్య పరిచయబాంధవ్యం బలపడింది. పూరి జగన్నాథ్ దర్శకత్వం వహించిన ఈ సినిమా బాగా హిట్టైంది ఈ చిత్రంలోని పాటలు, డైలాగులు అప్పట్లో సెన్సేషన్. ఏప్రిల్ 20కి బద్రీ చిత్రం విడుదలై 15 సంవత్సరాలు. ఈ సందర్భంగా రేణుదేశాయ్ అప్పటి తన ఫొటో ఒకటి పోస్టు చేసింది. తన ఫస్ట్ స్ర్కీన్ టెస్ట్ షూట్ ఫోటో అట ఇది. ఈ విషయాలన్నీ ఆమె సోషల్ నెట్వర్క్ లో అందరితో పంచుకుంది. 'బద్రి' సినిమా అప్పటి స్ర్కీన్ టెస్ట్ ఫొటో ఇది' అంటూ ఈ ఫొటోను పోస్టు చేసింది రేణు. ఆ సినిమా ఆడిషన్స్‌ సమయంలో కథానాయిక సరయు పాత్రకు తొలుత రేణును అనుకున్నారట. అయితే ఆ తర్వాత ఆ పాత్రకు అమీషా పటేల్‌ను ఎంపిక చేశారు. మరో హీరోయిన్ వెన్నెల పాత్రను రేణు పోషించింది. వ్యక్తిగతం జీవితం గురించి ఎప్పుడూ ప్రస్తావించకుండా తన గత స్మ్రుతులను ఎప్పుడూ నెటిజన్లకు చెపుతూ ఉంటుంది. ఇద్దరివీ భిన్నమైన ఆలోచనలు, తనకంటూ ప్రత్యేక గుర్తింపు తెచ్చుకోవాలన్న తపన ఆమెది. మోడల్‌గా కెరీర్ ప్రారంభించిన రేణు దేశాయ్ 2000 సంవత్సరంలో పార్థిపన్ హీరోగా తమిళంలో తెరకెక్కిన జేమ్స్ బాండు చిత్రం ద్వారా సినిమా రంగ ప్రవేశం చేసింది. అదే సంవత్సరం పూరి జగన్నాథ్ దర్శకత్వంలో పవన్ సరసన నటించే అవకాశం దొరికింది.
.jpg)
