పవనిజానికి మూర్తిగారి మద్దతు?

ఆయనను టెంపర్ సినిమాలో నటించమనీ, కోటి రూపాయలు ఆఫర్ చేసినా నటించని ఆదర్శభావాలు గల నటుడు. ఈ సాదా సీదా మనిషి పవనిజం పాటను ప్రమోట్ చేయడానికి వస్తున్నాడటంటే ఆశ్చర్యమే కదా... సాయిధరమ్ తేజ్ హీరోగా నటించిన మొదటి చిత్రం ‘రేయ్’ విడుదలకు సిద్ధంగా ఉంది. ఈ సినిమాకు అన్నీ అవాంతరాలు ఎదురవుతూ విడుదలకు నోచుకోవడం లేదు.  ఈ సినిమాలో పవర్ స్టార్ పవన్ కళ్యాణ్ కోసం ‘పవనిజం’ అంటూ ఓ ప్రత్యేకమైన పాటను కంపోజ్ చేశారట ఈ పాటకు సాయిధరమ్ తేజ మేనమామల స్టైల్లో అదరగొట్టే  స్టెప్పులు వేశాడనే టాక్. నిజానికి ఈ పాటను కూడా అనుకున్న డేట్ కు ప్రమోట్ చేయలేకపోయింది చిత్ర యూనిట్. ఈ రోజుకు (మంగళవారం) ఈ పవనిజం పాటను సాయంత్రం 6 గంటలకు విడుదల చేయబోతున్నారు. ఈ పాటను ప్రముఖ నటుడు, దర్శకుడు పీపుల్స్ స్టార్ ఆర్.నారాయణ మూర్తి చేతుల మీదుగా విడుదల చేస్తున్నారు. వైవియస్ చౌదరి దర్శకనిర్మాతగా వ్యవహరించిన ఈ చిత్రానికి చక్రి సంగీతం అందించారు. సయామీ ఖేర్, శ్రద్ధాదాస్ లు హీరోయిన్లుగా నటించారు. ఈ చిత్రాన్ని ఈ నెల 27కు విడుదల చేయాలని అనుకుంటున్నారు. ఇంతకూ ఆర్ నారాయణమూర్తి ఈ పాటను విడుదల చేయడానికి ఒప్పుకున్న కారణం పవన్ కళ్యాన్ జన సేనకు, పీపుల్స్ స్టార్ కు దగ్గరి సంబంధాలు ఉండబట్టే అని కొందరనుకుంటున్నారు కానీ, ఈ చిత్రంకోసం వైవిఎస్ చౌదరి పడ్డ తిప్పలు, ఆర్థిక కష్టాలే.... ఈయనను ప్రభావితం చేసాయేమోనని కూడా అనిపిస్తుంది మరో కోణంలో.