సినిమా మేకింగ్ లో ఉన్నప్పుడు ఆర్టిస్టులు, టెక్నీషియన్లు ఎంత ప్రాముఖ్యతను సంపాదించుకుంటారో, విడుదల సమయంలో సెన్సార్ రిపోర్టు, సినిమా నిడివి కూడా అంతే ఇంపార్టెన్స్ ని కలిగి ఉంటాయి. సాయిధరమ్ తేజ్ తొలి సినిమా... విడుదల కానున్న రెండో సినిమా రేయ్. ఈ సినిమాను వైవీయస్ చౌదరి బొమ్మరిల్లు వారి పతాకంపై తెరకెక్కించారు. ఈ సినిమా నిర్మాణంలో ఉన్న నాలుగేళ్లలో వైవీయస్ చేసినంత నూతన ప్రచారం ఎవరూ చేయలేదు. ఏ చిన్న అవకాశాన్ని కూడా వదులుకోకుండా వైవీయస్ ప్రచారం చేశారు. తాజాగా ఈ సినిమాకు సెన్సార్ పూర్తయింది. ఎ సర్టిఫికెట్ వచ్చింది. అయినా 41 కట్ లను సెన్సార్ బోర్డు సూచించింది. అన్ని కట్ చేశాక కూడా ఈ సినిమా నిడివి 168 నిమిషాలుందట. రెండున్నర గంటలకు మించి ఉన్న సినిమాలను చూడ్డానికి ప్రేక్షకులు ఇష్టపడటం లేదు. మరి ఈ తరుణంలో వైవీయస్ రేయ్ ఈ విషయంలో ఎంత వరకు ప్రేక్షకులను కన్విన్స్ చేస్తుందో 27న పడే మార్నింగ్ షో చెప్పేస్తుంది.
.jpg)
