శుక్రవారం విడుదలైన మూవీ ఆర్టిస్ట్స్ అసోసియేషన్ ఫలితాల గురించి పలువురు ప్రముఖులు తమ అభిప్రాయాలను వ్యక్తం చేశారు. నటి, వైఎస్ఆర్ సీపీ ఎమ్మెల్యే రోజా రాజేంద్ర ప్రసాద్ అధ్యక్షుడిగా ఎన్నికైనందుకు వ్యక్తం చేశారు. ఈ ఎన్నికల ఫలితాలు తెలుగు చిత్రపరిశ్రమలోని కొందరు పెద్దలకు గుణపాఠమని రోజా అన్నారు. ఇప్పటి వరకూ ఏక పక్షంగా అధ్యక్షుడి ఎన్నికలు జరిగాయనీ, పేదకళాకారులు తిరగబడితే ఫలితాలు ఎలా ఉంటాయో ఇప్పుడు నిరూపించారని వ్యాఖ్యానించారు. ఎక్కడైనా డబ్బున్న వారి మాటే చెలామణి అవుతుందని గర్వపడే వారికి ఇప్పుడు తగిన శాస్తి జరిగిందని చెప్పారు. ఇప్పటివరకూ కొందరు గౌరవం కోసం 'మా' అధ్యక్ష పదవి వాడుకున్నారని ఆమె విమర్శించారు. అలా పదవిలో కూర్చున్న వారంతా కళాకారుల సమస్యలను పట్టుంచుకోలేదని అన్నారు. అధ్యక్షుడిగా రాజేంద్ర ప్రసాద్ ఎన్నికకావడం సంతోషంగా ఉందని, ఆయన ఇచ్చిన హామీలను నెరవేర్చి కళాకారులకు న్యాయం చేయాలని కోరారు.
.jpg)
