మెగా మేనల్లుడి సరసన రాశి ఖన్నా...

ఇప్పుడు తెలుగులో టాప్ హీరోయిన్లకు కూతంత దూరంలో ఉంది రాశి ఖన్నా. ఈ మధ్య హీరోయిన్లు రెమ్యునరేషన్ పెంచేసి తెగ పోజులిచ్చేస్తున్నారు. కందరికేమో వయసైపోయిందని డైరెక్టర్లే పెద్ద ఇంటరెస్ట్ చూపించడం లేదు. దీంతో రాశిఖన్నాకు బాగానే ఆఫర్లు వచ్చిపడుతున్నాయి. ‘ఊహలు గుసగుసలాడే’ సినిమాతో మంచిపెర్ఫార్మెన్స్ ఇచ్చిన రాశి ఖన్నా కాస్త బొద్దుగా ఉన్నా, సినిమా ఛాన్సులు మాత్రం వస్తూనే ఉనానయి. రీసెంట్ గా వచ్చిన జిల్ సినిమాలో తన లుక్స్ తోనే కాకుండా అందాలు ఆరబోసి హాట్ హాట్ గా కనిపించి, గ్లామర్ రోల్స్ తను చెయ్యగలదని నిరూపించింది. ప్రస్తుతం ఈ భామ రామ్ సరసన శివం’ సినిమాలో, అలాగే రవితేజ సరసన బెంగాల్ టైగర్’ సినిమాలో నటిస్తోంది. ఇదిలా ఉంటే రాశి ఖన్నాకి తాజాగా మరో బంపర్ ఆఫర్ వచ్చింది. మెగా ఫ్యామిలీ నుంచి వచ్చిన యంగ్ హీరో సాయి ధరమ్ తేజ్ సరసన నటించే అవకాశం కొట్టేయడం. ఈ ఏడాది ‘పటాస్’ సినిమాతో సూపర్ హిట్ అందుకున్న అనిల్ రావిపూడి డైరెక్షన్ లో సాయి ధరమ్ తేజ్ ఓ సినిమాకి సైన్ చేసిన విషయం తెలిసిందే. ఈ సినిమాలో హీరోయిన్ గా రాశి ఖన్నాని సెలక్ట్ చేసారని సమాచారం. అనిల్ రావిపూడి చెప్పిన కథ నచ్చడంతో రాశి ఖన్నా వెంటనే ఈ సినిమాకి గ్రీన్ సిగ్నల్ ఇచ్చినట్లు తెలుస్తోంది. దిల్ రాజు నిర్మించనున్న ఈ సినిమా సెప్టెంబర్ నుంచి సెట్స్ పైకి వెళ్లనుంది. సాయి ధరమ్ తేజ్ నటించిన ‘సుబ్రమణ్యం ఫర్ సేల్’ సినిమా ఆగష్టు చివర్లో రిలీజ్ కావడానికి సిద్దమవుతోంటే, రాశి ఖన్నా బెంగాల్ టైగర్ సెప్టెంబర్ లో రిలీజ్ కానుంది.